GANAPATI ATHARVASIRSHOPANISHAD

.. shAnti pATha ..
AUM bhadraM karNebhiH shR^iNuyAma devAH .
bhadraM pashyemAkShabhiryajatrAH ..
sthiraira~NgaistuShTuvA.nsastanUbhiH .
vyashema devahitaM yadAyuH ..
AUM svasti na indro vR^iddhashravAH .
svasti naH pUShA vishvavedAH ..
svastinastArkShyo ariShTanemiH .
svasti no bR^ihaspatirdadhAtu ..
AUM tanmAmavatu
tad.h vaktAramavatu
avatu mAm.h
avatu vaktAram.h
AUM shA.ntiH .  shA.ntiH .. shA.ntiH...
  .. upaniShat.h ..
hariH AUM namaste gaNapataye ..
tvameva pratyakShaM tattvamasi .. tvameva kevalaM kartA.asi ..
tvameva kevalaM dhartA.asi .. tvameva kevalaM hartA.asi ..
tvameva sarva.n khalvidaM brahmAsi ..
tvaM sAkShAdAtmA.asi nityam.h .. 1..
               .. svarUpa tattva ..
R^itaM vachmi ##(##vadiShyAmi##)## .. satyaM vachmi ##(##vadiShyAmi##)## .. 2..
ava tvaM mAm.h .. ava vaktAram.h .. ava shrotAram.h ..
ava dAtAram.h .. ava dhAtAram.h ..
avAnUchAnamava shiShyam.h ..
ava pashchAttAt.h .. ava purastAt.h ..
avottarAttAt.h .. ava dakShiNAttAt.h ..
ava chordhvAttAt.h .. avAdharAttAt.h ..
sarvato mAM pAhi pAhi sama.ntAt.h .. 3..
tvaM vA~NgmayastvaM chinmayaH ..
tvamAna.ndamayastvaM brahmamayaH ..
tvaM sachchidAna.ndAdvitIyo.asi ..
tvaM pratyakShaM brahmAsi ..
tvaM j~nAnamayo vij~nAnamayo.asi .. 4..
sarvaM jagadidaM tvatto jAyate ..
sarvaM jagadidaM tvattastiShThati ..
sarvaM jagadidaM tvayi layameShyati ..
sarvaM jagadidaM tvayi pratyeti ..
tvaM bhUmirApo.analo.anilo nabhaH ..
tvaM chatvAri vAkpadAni .. 5..
tvaM guNatrayAtItaH tvamavasthAtrayAtItaH ..
tvaM dehatrayAtItaH .. tvaM kAlatrayAtItaH ..
tvaM mUlAdhAraH sthito.asi nityam.h ..
tvaM shaktitrayAtmakaH ..
tvAM yogino dhyAya.nti nityam.h ..
tvaM brahmA tvaM viShNustvaM rudrastvaM
indrastvaM agnistvaM vAyustvaM sUryastvaM cha.ndramAstvaM
brahmabhUrbhuvaHsvarom.h .. 6..
               .. gaNesha ma.ntra ..
gaNAdiM pUrvamuchchArya varNAdi.n tadana.ntaram.h ..
anusvAraH parataraH .. ardhendulasitam.h .. tAreNa R^iddham.h ..
etattava manusvarUpam.h .. gakAraH pUrvarUpam.h ..
akAro madhyamarUpam.h .. anusvArashchAntyarUpam.h ..
binduruttararUpam.h .. nAdaH sa.ndhAnam.h ..
sa.nhitAsa.ndhiH .. saiShA gaNeshavidyA ..
gaNakaR^iShiH .. nichR^idgAyatrIchCha.ndaH ..
gaNapatirdevatA .. AUM ga.n gaNapataye namaH .. 7..
               .. gaNesha gAyatrI ..
ekada.ntAya vidmahe . vakratuNDAya dhImahi ..
tanno da.ntiH prachodayAt.h .. 8..
               .. gaNesha rUpa ..
ekada.ntaM chaturhastaM pAshama.nkushadhAriNam.h ..
radaM cha varadaM hastairbibhrANaM mUShakadhvajam.h ..
raktaM laMbodaraM shUrpakarNakaM raktavAsasam.h ..
raktaga.ndhAnuliptA.ngaM raktapuShpaiH supUjitam.h ..
    bhaktAnukaMpinaM devaM jagatkAraNamachyutam.h ..
    AvirbhUtaM cha sR^iShTyAdau prakR^iteH puruShAtparam.h ..
    evaM dhyAyati yo nityaM sa yogI yoginAM varaH .. 9..
               .. aShTa nAma gaNapati ..
namo vrAtapataye . namo gaNapataye . namaH pramathapataye .
namaste.astu laMbodarAyaikada.ntAya .
vighnanAshine shivasutAya . shrIvaradamUrtaye namo namaH .. 10..
               .. phalashruti ..
etadatharvashIrShaM yo.adhIte .. sa brahmabhUyAya kalpate ..
sa sarvataH sukhamedhate .. sa sarva vighnairnabAdhyate ..
     sa pa.nchamahApApAtpramuchyate ..
sAyamadhIyAno divasakR^itaM pApaM nAshayati ..
prAtaradhIyAno rAtrikR^itaM pApaM nAshayati ..
     sAyaMprAtaH prayu.njAno apApo bhavati ..
     sarvatrAdhIyAno.apavighno bhavati ..
     dharmArthakAmamokShaM cha vi.ndati ..
     idamatharvashIrShamashiShyAya na deyam.h ..
     yo yadi mohAddAsyati sa pApIyAn.h bhavati
     sahasrAvartanAt.h yaM yaM kAmamadhIte
     taM tamanena sAdhayet.h .. 11..
anena gaNapatimabhiShi.nchati sa vAgmI bhavati ..
chaturthyAmanashnan.h japati sa vidyAvAn.h bhavati .
sa yashovAn.h bhavati ..
ityatharvaNavAkyam.h .. brahmAdyAcharaNaM vidyAt.h
     na bibheti kadAchaneti .. 12..
yo dUrvA.nkurairyajati sa vaishravaNopamo bhavati ..
yo lAjairyajati sa yashovAn.h bhavati ..
sa medhAvAn.h bhavati ..
yo modakasahasreNa yajati
    sa vA~nChitaphalamavApnoti ..
yaH sAjyasamidbhiryajati
    sa sarvaM labhate sa sarvaM labhate .. 13..
aShTau brAhmaNAn.h samyaggrAhayitvA
sUryavarchasvI bhavati ..
sUryagrahe mahAnadyAM pratimAsa.nnidhau
vA japtvA siddhama.ntro bhavati ..
mahAvighnAtpramuchyate .. mahAdoShAtpramuchyate ..
mahApApAt.h pramuchyate ..
sa sarvavidbhavati sa sarvavidbhavati ..
ya evaM veda ityupaniShat.h .. 14..
  .. shAnti ma.ntra ..
AUM sahanAvavatu .. sahanaubhunaktu ..
saha vIrya.n karavAvahai ..
tejasvinAvadhItamastu mA vidviShAvahai ..
AUM bhadraM karNebhiH shR^iNuyAma devAH .
bhadraM pashyemAkShabhiryajatrAH ..
sthiraira.ngaistuShTuvA.nsastanUbhiH .
vyashema devahitaM yadAyuH ..
AUM svasti na indro vR^iddhashravAH .
svasti naH pUShA vishvavedAH ..
svastinastArkShyo ariShTanemiH .
svasti no bR^ihaspatirdadhAtu ..
AUM shA.ntiH . shA.ntiH .. shA.ntiH