GANESHA MAHIMNA STOTRAM

shrii gaNeshaaya namaH .
anirvAchyaM rUpaM stavana\-nikaro yatra galita\-
stathA vakShye stotraM prathamapuruShasyA.atra mahataH |
yato jAtaM vishvaM sthitamapi sadA yatra vilayaH
sa kIdR^iggIrvANaH sunigamanutaH shrIgaNapatiH || 1||
gaNeshaM gANeshAH shivamiti cha shaivAshcha vibudhA
raviM saurA viShNuM prathamapuruShaM viShNubhajakAH |
vadantyeke shAk{}tA jagadudayamUlAM parishivAM
na jAne kiM tasmai nama iti paraM brahma sakalam || 2||
tatheshaM yogaj~nA gaNapatimimaM karma nikhilaM
samImA.nsA vedAntina iti paraM brahma sakalam |
ajAM sA.nkhyo brUte sakalaguNarUpAM cha satataM
prakartAraM nyAyastvatha jagati bauddhA dhiyamiti || 3||
kathaM j~neyo buddheH paratara iyaM bAhyasaraNiryathA
dhIryasya syAt sa cha tadanurUpo gaNapatiH |
mahatkR^ityaM tasya svayamapi mahAn sUkShmamaNuvad
dhvanirjyotirbindurgaganasadR^ishaH ki.n cha sadasat || 4||
anekAsyo.apArAkShi\- karacharaNo.ananta\-hR^idayastathA
nAnArUpo vividhavadanaH shrIgaNapatiH |
anantAhvaH shak{}tyA vividhaguNakarmaikasamaye
tvasa.nkhyAtAnantAbhimata\- phalado.anekaviShaye || 5||
na yasyA.anto madhyo na cha bhavati chAdiH sumahatAmaliptaH
kR^itvetthaM sakalamapi khaMvat sa cha pR^ithak |
smR^itaH sa.nsmartR^INAM sakalahR^idayasthaH priyakaro
namastasmai devAya sakalasuravandyAya mahate || 6||
gaNeshAdyaM bIjaM dahana\-vanitA\-pallavayutaM
manushchaikArNo.ayaM praNavasahito.abhIShTaphaladam |
sabindushchAgaadyaa~NgaNakaR^iShichhando.asya cha nichR^it
sa devaH prAgbIjaM vipadapi cha shak{}tirjapakR^itAm || 7||
gakAro herambaH saguNa iti punirguNamayo
dvidhA.apyeko jAtaH prakR^itipuruSho brahma hi gaNaH |
sa cheshashchotpatti\-sthiti\- layakaro.ayaM prathamako
yato bhUtaM bhavyaM bhavati patirIsho gaNapatiH || 8||
gakAraH kaNThordhva gajamukhasamo martyasadR^isho
NakAraH kaNDAdho jaTharasadR^ishAkAra iti cha |
adhobhAga H kaTyAM charaNa iti hIsho.asya cha tanu\-
rvibhAtItthaM nAma tribhuvanasamaM bhUrbhuvaHsuvaH || 9||
gaNesheti tryarNAtmakamapi varaM nAma sukhadaM
sakR^itprochchairuchchAritamiti nR^ibhiH pAvanakaram |
gaNeshasyaikasya pratijapakarasyAsya sukR^itaM
na vij~nAto nAmnaH sakalamahimA kIdR^ishavidhaH || 10||
gaNeshetyAhvaaM yaH pravadati muhustasya purataH
prapashya.Nstadvak{}traM svayamapi gaNastiShThati tadA |
svarUpasya j~nAnaM tvamuka iti nAmnA.asya bhavati
prabodhaH suptasya tvakhilamiha sAmarthyamamunA || 11||
gaNesho vishve.asmin sthita iha cha vishvaM gaNapatau
gaNesho yatrAste dhR^iti\- matiranaishvaryamakhilam |
samuk{}taM nAmaikaM gaNapatipadaM ma.ngalamayaM
tadekAsyaM dR^iShTeH sakala\-vibudhAsyekShaNa\- samam || 12||
bahukleshairvyAptaH smR^ita uta gaNeshe cha hR^idaye
kShaNAt kleshAn muk{}tobhavati sahasA tvabhrachayavat |
bane vidyArambhe yudhi ripubhaye kutra gamane
praveshe prANAnte gaNapatipadaM chA.a.ashu vishati || 13||
gaNAdhyakSho jyeShThaH kapila aparo ma.ngalanidhi\-
rdayAlurheramabo varada iti chintAmaNirajaH |
varAnIsho DhuNDhirgajavadananAmA shivasuto
mayUresho gaurItanaya iti nAmAni paThati || 14||
mahesho.ayaM viShNuH sakaviravirinduH kamalajaH
kShitistoyaM vahniH shvasana iti khaM tvadrirUdadhiH |
kujastAraH shukro gururuDubudho.agushcha dhanado
yamaH pAsho kAvyaH shanirakhilarUpo gaNapatiH || 15||
mukhaM vahviH pAdau harirapi vidhAtA prajananaM
ravirnetre chandro hR^idayamapi kAmo.asya madanaH |
karau shakraH kaTyAmavanirUdaraM bhAti dashanaM
gaNeshasyAsan vai kratumayavapushchaiva sakalam || 16||
anardhyAla.nkArairaruNa\-vasanairbhUShita\- tanuH
karIndrAsyaH si.nhAsanamupagato bhAti budharAT |
sthitaH syAttanmadhye.apyudita\- ravibimbopama\-ruchiH
sthitA siddhirvAme matiritaragA chAmarakarA || 17||
samantAttasyAsan pravaramunisiddhAH suragaNAH
prasha.nsantItyagre vividhanutibhiH sA.a~njalipuTAH |
biDaujAdyairbrahmAdibhiranuvR^ito bhak{}tanikarai\-
rgaNakrIDAmoda\-pramuda\-vikaTAdyaiH sahacharai H || 18||
vashitvAdyaShTAShTAdasha\-digakhilAllolamanuvAg
dhR^itiH pAdUH khaDgo.a~njanarasabalAH siddhaya imAH |
sadA pR^iShThe tiShTantyAnimiShidR^ishastanmukhalayA
gaNeshaM sevante.atyatinikaTasUpAyanakarAH || 19||
mR^igA.nkAsyA rambhAprabhR^itigaNikA yasya purataH
susa.ngIta kurvantyapi kutukagandharvasahitAH |
mudaH pAro nA.atretyanupamapade dorvigalitA
sthiraM jAtaM chittaM charaNamavalokyAsya vimalam || 20||
hareNA.ayaM dhyAtastripuramathane chA.asuravadhe
gaNeshaH pArvatyA balivijayakAle.api hariNA |
vidhAtrA sa.nsR^iShTAvuragapatinA kShoNidharaNe
naraiH siddhau muk{}tau tribhuvanajaye puShpadhanuShA || 21||
ayaM suprAsAde sura iva nijAnandabhuvane
mahAn shrImAnAdyo laghutaragR^ihe ra.nkasadR^ishaH |
shivadvAre dvAHstho nR^ipa iva sadA bhUpatigR^ihe
sthito bhUtvomA.nke shishugaNapatirlAlanaparaH || 22||
amuShmin santuShTe gajavadana evApi vibudhe
tataste santuShTAstribhuvanagatAH syurbudhagaNAH |
dayAlurherambo na cha bhavati yasmi.nshcha puruShe
vR^ithA sarvaM tasya prajananamataH sAndratamasi || 23||
vareNyo bhUshuNDirbhR^igu\-guru\-kujA\-mudgalamukhA
hyapArAstadbhak{}tA japa\-havana\-pUjA\-stutiparAH |
gaNesho.ayaM bhak{}tapriya iti cha sarvatra gaditaM
vibhak{}tiryatrAste svayamapi sadA tiShThati gaNaH || 24||
mR^idaH kAshchiddhAtoshchhada\- vilikhitA vA.api dR^iShadaH
smR^itA vyAjAnmUrtiH pathi yadi bahiryena sahasA |
ashuddho.addhA draShTA pravadati tadAhvAM gaNapateH
shrutvaa shuddho martyo bhavati duritAd vismaya iti || 25||
bahirdvArasyordhvaM gajavadana\-varShmendhanamayaM
prashastaM vA kR^itvA vividha kushalaistatra nihitam |
prabhAvAttanmUrtyA bhavati sadanaM ma.ngalamayaM
vilokyAnandastAM bhavati jagato vismaya iti || 26||
site bhAdre mAse pratisharadi madhyAhnasamaye
mR^ido mUrti kR^itvA gaNapatitithau DhuNDhisadR^ishIm |
samarchantyutsAhaH prabhavati mahAn sarva sadane
vilokyAnandastAm prabhavati nR^iNAM vismaya iti ||27|
tathA hyekaH shloko varayati mahimno gaNapateH
kathaM sa shloke .asmin stuta iti bhavet saMprapaThite |
smR^itaM nAmAsyaikaM sakR^ididamanantAhvayasamaM
yato yasyaikasya stavanasadR^ishaM nA.anyadaparam || 28||
gajavadana vibho yad\- varNitaM vaibhavaM te
tviha januShi mametthaM chAru taddarshayAshu |
tvamasi cha karuNAyAH sAgaraH kR^itsnadAtA\-
apyati tava bhR^itako.ahaM sarvadA chintako.asmi || 29||
sustotraM prapaThatu nityametadeva svAnandaM 
prati gamane.apyayaM sumArgaH |
sachintya.n svamanasi tatpadAravinda.n 
sthApyAgre stavanaphala.n natIH kariShye || 30||
gaNeshadevasyaM mahAtmyametad yaH shrAvayedvA.api paThechcha tasya |
kleshA laya.n yAnti labhechcha shIghraM strI\-putra\-
vidyArtha\-gR^ihaM cha muk{}tim || 31||