DASHAVATARASTUTI(VADIRAJA)

proshhThIshavigraha sunishhThIvanoddhata vishishhTAmbuchArijaladhe  |
koshhThAntarAhitavicheshhTAgamaugha parameshhThIDita tvamavamAm.h  |
preshhThArkasUnumanucheshhThArthamAtmavidatIshhTo yugAntasamaye  |
stheshhThAtmashR^iN^gadhR^itakAshhThAmbuvAhana varAshhTApadaprabhatano  || 1||
khaNDIbhavadbahuLaDiNDIrajR^imbhaNa suchaNDI kR^ito dadhi mahA  |
kANDAti chitra gati shauNDAdya haimarada bhANDA prameya charita  |
chaNDAshvakaNThamada shuNDAla durhR^idaya gaNDA bhikhaNDAkara do\-
shchaNDA mareshahaya tuNDAkR^ite dR^ishamakhaNDAmalaM pradisha me  || 2||
kUrmAkR^ite tvavatu narmAtma pR^ishhThadhR^ita bharmAtma mandara gire  |
dharmAvalambana sudharmAsadAkalitasharmA sudhAvitaraNAt.h  |
durmAna rAhumukha durmAyi dAnavasumarmAbhibhedana paTo  |
dharmArka kAnti vara varmA bhavAn.h bhuvana nirmANa dhUta vikR^itiH  || 3||
dhanvantare.aN^garuchi dhanvantare.aritaru dhanvanstarIbhavasudhA\-
bhAnvantarAvasatha manvantarAdhikR^ita tanvantaraushhadhanidhe  |
danvantaraN^gashugudanvantamAjishhu vitanvanmamAbdhi tanayA  |
sUnvantakAtmahR^idatanvarAvayava tanvantarArtijaladhau  || 4||
yA xIravArdhimathanAxINadarpaditijAxobhitAmaragaNA\-
pexAptaye.ajani valaxAMshhubimbajidatIxNAlakAvR^itamukhI  |
sUxmAvalagnavasanAxepakR^itkucha kaTAxAxamIkR^itamano\-
dIxAsurAhR^itasudhAxANino.avatusu rUxexaNAddharitanuH  || 5||
shixAdiyu~Nnigama dIxAsulaxaNa parixAxamAvidhisatI  |
dAxAyaNI xamati sAxAdramApinaya dAxepavIxaNavidhau  |
prexAxilobhakaralAxAra soxita padAxepalaxitadharA  |
sA.axAritAtmatanu bhUxArakAriniTilAxAxamAnavatu naH  || 6||
nIlAmbudAbhashubha shIlAdridehadhara khelAghR^itodhadhidhunI\-
shailAdiyukta nikhilelA kaTAdyasura tUlATavIdahana te  |
kolAkR^ite jaladhi kAlAchalAvayava nIlAbjadaMshhTra dharaNI\-
lIlAspadorutara mUlAshiyogivara jAlAbhivandita namaH  || 7||
dambholitIxNanakha sambheditendraripu kumbhIndra pAhi kR^ipayA  |
stambhArbha kAsahanaDimbhAya dattavara gambhIranAda nR^ihare  |
aMbhodhijAnusaraNAMbhojabhUpavanakumbhInaseshakhagarAT.h  |
kumbhIndrakR^ittidhara jambhArishhaNmukhamukhAMbhoruhAbhinuta mAm.h  || 8||
piN^gAxa vikrama turaN^gAdi sainya chaturaN^gA valipta danujA\-
sAN^gAdhvarastha bali sAN^gAvapAta hR^ishhitAN^gA marAlinuta te  |
shR^iN^gArapAdanakha tuN^gAgrabhinna kana kAN^gANDapattitaTinI\-
tuN^gAti maN^gala taraN^gAbhibhUta bhaja kAN^gAgha vAmana namaH  || 9||
dhyAnArha vAmanatanonAtha pAhi yajamAnA sureshavasudhA\-
dAnAya yAchanika lInArthavAgvashitanAnAsadasyadanuja  |
mInAN^kanirmalanishAnAthakoTilasamAnAtma mauJNjiguNa kau\-
pInAchchhasUtrapadayAnAtapatrakarakAnamyadaNDavarabhR^it.h  || 10||
dhairyAmbudhe parashucharyAdhikR^ittakhalavaryAvanIshvara mahA\-
shauryAbhibhUta kR^itavIryAtmajAtabhujavIryAvalepanikara  |
bhAryAparAdhakupitAryAj~nayAgalitanAryAtmasUgalataro  |
kAryAparAdhamavichAryAryamaughajayivIryAmitA mayi dayA  || 11||
shrIrAmalaxmaNashukArAma bhUravatugaurAmalAmitamaho\-
hArAmarastuta yashorAmakAntisuta norAmanorathahara  |
svArAmavaryaripu vIrAmayArdhikara chIrAmalAvR^itakaTe |
svArAma darshanajamArAmayAgatasughorAmanoramalabdhakalaha  || 12||
shrIkeshavapradishanAkesha jAtakapilokesha bhagnaravibhU\-
toketarArtiharaNAkevalArtasukhadhIkekikAlajalada  |
sAketanAthavarapAkeramukhyasuta kokena bhaktimatulAm.h  |
rAkendu bimbamukha kAkexaNApaha hR^ishIkesha te.aN^ghrikamale  || 13||
rAme nR^iNAM hR^idabhirAmenarAshikulabhIme mano.adyaramatAm.h  |
gomedinIjayitapo.ameyagAdhisutakAmenivishhTa manasi  |
shyAme sadA tvayi jitAmeyatApasajarAme gatAdhikasame  |
bhImeshachApadalanAmeyashauryajitavAmexaNe vijayini  || 14||
kAntAragehakhalakAntAraTadvadana kAntAlakAntakasharam.h  |
kAntArayAmbujanikAntAnvavAyavidhukAntAshmabhAdipahare  |
kAntAliloladalakAntAbhishobhitilakAntAbhavantamanusA  |
kAntAnuyAnajita  kAntAradurgakaTakAntA ramAtvavatu mAm.h  || 15||
dAntaM dashAnanasutAntaM dharAmadhivasantaM prachaNDatapasA  |
klAntaM sametya vipinAntaM tvavApa yamanantaM tapasvipaTalam.h   |
yAntaM bhavAratibhayAntaM mamAshu bhagavantaM bhareNa bhajatAt.h  |
svAntaM savAridanujAntaM dharAdharanishAntaM sa tApasavaram.h  || 16||
shampAbhachApalavakaMpAstashatrubalasaMpAditAmitayashAH  |
shaM pAdatAmarasasaMpAtino.alamanukampArasena disha me  |
sampAtipaxisahajaM pApirAvaNahataM pAvanaM yadakR^ithAH  |
tvaM pApakUpapatitaM pAhi mAM tadapi pampAsarastaTachara  || 17||
lolAxyapexitasulIlAkuraN^gavadhakhelAkutUhalagate  |
svAlApabhUmijanibAlApahAryanujapAlAdya bho jayajaya  |
bAlAgnidagdhapurashAlAnilAtmajaniphAlAttapattalarajo  |
nIlAN^gadAdikapimAlAkR^itAlipathamUlAbhyatItajaladhe  || 18||
tUNIrakArmuka kR^ipANIkiNAN^kabhujapANIravipratimabhAH  |
xoNidharAlinibhaghoNImukhAdighanaveNIsuraxaNakaraH  |
shoNibhavannayana koNIjitAmbunidhipANIritArhaNamaNi\-
shreNIvR^itAN^ghririha vANIshasUnuvaravANIstuto vijayate  || 19||
huN^kArapUrvamatha TaN^kAranAdamatipaN^kAvadhAryachalitA  |
laN^kAshilochchayavishaN^kApatadbhidura shaN^kA.a.asa yasya dhanushhaH  |
laN^kAdhipo.amanuta yaM kAlarAtrimiva shaN^kAshatAkuladhiyA  |
taM kAladaNDashatasaN^kAshakArmukasharAN^kAnvitaM bhaja harim.h  || 20||
dhImAnameyatanudhAmArtamaN^gaLadanAmA ramAkamalabhU\-
kAmAripannagapakAmAhivairigurusomAdivandyamahimA  |
sthemAdinApagatasImAvatAtsakhalasAmAjarAvaNaripU  |
rAmAbhido harirabhaumAkR^itiH pratanasAmAdivedavishhayaH  || 21||
doshhAtmabhUvashaturAshhADatikramajadoshhAtmabhartR^ivachasA  |
pAshhANabhUtamuniyoshhAvarAtmatanuveshhAdidAyicharaNaH  |
naishhAdayoshhidashubheshhAkR^idaNDajanidoshhAcharAdishubhado  |
doshhAgrajanmamR^itishoshhApaho.avatu sudoshhAN^ghrijAtahananAt.h  || 22||
vR^indAvanasthapashuvR^indAvanaM vinutavR^indArakaikasharaNam.h  |
nandAtmajaM nihatanindAkR^idAsurajanaM dAmabaddhajaTharam.h  |
vandAmahe vayamamandAvadAtaruchimAndAxakArivadanam.h  |
kundAlidantamuta kandAsitaprabhatanuM dAvarAxasaharam.h  || 23||
gopAlakotsavakR^itApArabhaxyarasasUpAnnalopakupitA  |
shApAlayApitalayApAmbudAlisalilApAyadhAritagire  |
svApAN^gadarshanaja tApAN^garAgayutagopAN^ganAMshukahR^iti\-
vyApArashauNDa vividhApAyatastvamava gopArijAtaharaNa  || 24||
kaMsAdikAsadavataMsAvanIpativihiMsAkR^itAtmajanushham.h  |
saMsArabhUtamiha saMsArabaddhamanasaM sArachitsukhatanum.h  |
saMsAdhayantamanishaM sAttvikavrajamahaM sAdaraM bata bhaje  |
haMsAditApasariraMsAspadaM paramahaMsAdivandyacharaNam.h  || 25||
rAjIvanetra vidurAjIva mAmavatu rAjIvaketanavasham.h  |
vAjIbhapattinR^iparAjIrathAnvitajarAjIvagarvashamana  |
vAjIshavAha sitavAjIsha daityatanuvAjIshabhedakaradoH  |
jAjIkadambanavarAjIvamukhyasumarAjIsuvAsitashiraH  || 26||
kAlIhR^idAvasathakAlIyakuNDalipakAlIsthapAdanakharA  |
vyAlInavAMshukaravAlIgaNAruNitakAlIruche jaya jaya  |
kelIlavApahR^itakAlIshadattavaranAlIkadR^iptaditibhU\-
chUlIkagopamahilAlItanUghusR^iNadhUlIkaNAN^kahR^idaya  || 27||
kR^ishhNAdipANDusutakR^ishhNAmanaHprachuratR^ishhNAsutR^iptika ravAk.h  |
kR^ishhNAN^kapAlirata kR^ishhNAbhidhAghahara kR^ishhNAdishhaNmahiLa bhoH  |
pushhNAtu mAmajita nishhNAtavArdhimudanushhNAMshumaNDala hare  |
jishhNo girIndradhara vishhNo vR^ishhAvaraja dhR^ishhNo bhavAnkaruNayA  || 28||
rAmAshiromaNidharAmAsameta balarAmAnujAbhidha ratim.h  |
vyomAsurAntakara te mAratAta disha me mAdhavAN^ghrikamale  |
kAmArtabhaumapurarAmAvalIpraNayavAmAxipItatanubhA  |
bhImAhinAthamukhavaimAnikAbhinuta bhImAbhivandyacharaNa  || 29||
saxveLabhaxyabhayadAxishravogaNajalAxepapAshayamanam.h  |
lAxAgR^ihajvalanaraxohiDimbabakabhaixAnnapUrvavipadaH  |
axAnubandhabhavarUxAxarashravaNasAxAnmahishhyavamatI  |
kaxAnuyAnamadhamaxmApasevanamabhIxNApahAsamasatAm.h  || 30||
chaxANa eva nijapaxAgrabhUdashashatAxAtmajAdisuhR^idA\-
mAxepakArikunR^ipAxauhiNIshatabalAxobhadIxitamanAH  |
tArxyAsichApasharatIxNAripUrvanijalaxmANi chApyagaNayan.h  |
vR^ixAlayadhvajariraxAkaro jayati laxmIpatiryadupatiH  || 31||
buddhAvatAra kavibaddhAnukampa kuru baddhAJNjalau mayi dayAm.h  |
shauddhodanipramukhasaiddhAntikAsugamabauddhAgamapraNayana  |
kruddhAhitAsuhR^itisiddhAsikheTadhara shuddhAshvayAna kamalA  |
shuddhAnta mAM ruchipinaddhAkhilAN^ga nijamaddhAva kalkyabhidha bhoH  || 32||
sAraN^gakR^ittidharasAraN^gavAridhara sAraN^garAjavaradA\-
sAraM gadAritarasAraM gatAtmamadasAraM gataushhadhabalam.h  |
sAraN^gavatkusumasAraM gataM cha tava sAraN^gamAN^ghriyugalam.h  |
sAraN^gavarNamapasAraM gatAbjamadasAraM gadiMstvamava mAm.h  || 33||
grIvAsyavAhatanudevANDajAdidashabhAvAbhirAmacharitam.h  |
bhAvAtibhavyashubhadhIvAdirAjayatibhUvAgvilAsanilayam.h  |
shrIvAgadhIshamukhadevAbhinamyaharisevArchaneshhu paThatA\-
mAvAsa eva bhavitAvAgbhavetarasurAvAsalokanikare  || 34||
\centerline{iti shrImadvAdirAjapUjyacharaNa virachitaM