GOPIGITAM

gopya uuchuH .
jayati te.adhika.n janmanaa vrajaH 
     shrayata indiraa shashvadatra hi .
dayita dR^ishyataa.n dikshu taavakaa\-
     stvayi dhR^itaasavastvaa.n vichinvate .. 1..
sharadudaashaye saadhujaatasa\-
     tsarasijodarashriimushhaa dR^ishaa .
suratanaatha te.ashulkadaasikaa
     varada nighnato neha ki.n vadhaH .. 2..
vishhajalaapyayaadvyaalaraakshasaa\-
     dvarshhamaarutaadvaidyutaanalaat.h .
vR^ishhamayaatmajaadvishvatobhayaa\-
     dR^ishhabha te vaya.n rakshitaa muhuH .. 3..
na khalu gopikaanandano bhavaa\-
     nakhiladehinaamantaraatmadR^ik.h .
vikhanasaarthito vishvaguptaye 
     sakha udeyivaansaatvataa.n kule .. 4..
virachitaabhaya.n vR^ishhNidhurya te
     charaNamiiyushhaa.n sa.nsR^iterbhayaat.h .
karasaroruha.n kaanta kaamadaM
     shirasi dhehi naH shriikaragraham.h .. 5..
vrajajanaartihanviira yoshhitaaM
     nijajanasmayadhva.nsanasmita .
bhaja sakhe bhavatki.nkariiH sma no
     jalaruhaanana.n chaaru darshaya .. 6..
praNatadehinaaM paapakarshanaM
     tR^iNacharaanuga.n shriiniketanam.h .
phaNiphaNaarpita.n te padaaMbujaM
     kR^iNu kucheshhu naH kR^indhi hR^ichchhayam.h .. 7..
madhurayaa giraa valguvaakyayaa
     budhamanoj~nayaa pushhkarekshaNa .
vidhikariirimaa viira muhyatii\-
     radharasiidhunaa.a.apyaayayasva naH .. 8..
tava kathaamR^ita.n taptajiivanaM
     kavibhiriiDita.n kalmashhaapaham.h .
shravaNama~Ngala.n shriimadaatataM
     bhuvi gR^iNanti te bhuuridaa janaaH .. 9..
prahasitaM priya premaviikshaNaM
     viharaNa.n cha te dhyaanama~Ngalam.h .
rahasi sa.nvido yaa hR^idispR^ishaH 
     kuhaka no manaH kshobhayanti hi .. 10..
chalasi yadvrajaachchaarayanpashuun.h
     nalinasundara.n naatha te padam.h .
shilatR^iNaa~NkuraiH siidatiiti naH 
     kalilataaM manaH kaanta gachchhati .. 11..
dinaparikshaye niilakuntalai\-
     rvanaruhaananaM bibhradaavR^itam.h .
ghanarajasvala.n darshayanmuhu\-
     rmanasi naH smara.n viira yachchhasi .. 12..
praNatakaamadaM padmajaarchitaM
     dharaNimaNDana.n dhyeyamaapadi .
charaNapa~Nkaja.n sha.ntama.n cha te
     ramaNa naH staneshhvarpayaadhihan.h .. 13..
suratavardhana.n shokanaashanaM
     svaritaveNunaa sushhThu chumbitam.h .
itararaagavismaaraNa.n nR^iNaaM
     vitara viira naste.adharaamR^itam.h .. 14..
aTati yadbhavaanahni kaananaM
     truTiryugaayate tvaamapashyataam.h .
kuTilakuntala.n shriimukha.n cha te 
     jaDa udiikshataaM pakshmakR^iddR^ishaam.h .. 15..
patisutaanvayabhraatR^ibaandhavaa\-
     nativila~Nghya te.antyachyutaagataaH .
gatividastavodgiitamohitaaH 
     kitava yoshhitaH kastyajennishi .. 16..
rahasi sa.nvida.n hR^ichchhayodayaM
     prahasitaananaM premaviikshaNam.h .
bR^ihaduraH shriyo viikshya dhaama te 
     muhuratispR^ihaa muhyate manaH .. 17..
vrajavanaukasaa.n vyaktira~Nga te 
     vR^ijinahantryala.n vishvama~Ngalam.h .
tyaja manaak cha nastvatspR^ihaatmanaaM
     svajanahR^idrujaa.n yannishhuudanam.h .. 18..
yatte sujaatacharaNaamburuha.n staneshha
     bhiitaaH shanaiH priya dadhiimahi karkasheshhu .
tenaaTaviimaTasi tadvyathate na ki.nsvit.h
     kuurpaadibhirbhramati dhiirbhavadaayushhaa.n naH .. 19..
iti shriimadbhaagavata mahaapuraaNe paaramaha.nsyaa.n sa.nhitaayaa.n 
dashamaskandhe puurvaardhe raasakriiDaayaa.n gopiigiita.n naamaikatri.nsho.adhyaayaH ..
##\medskip\hrule\obeylines
Encoded by Sunder Hattangadi (su