LAKSHMINARAYANA KAVACHAM

shrIgaNeshAya namaH |
shrIbhairava uvAcha |
adhunA devi vakShyAmi lakShmInArAyaNasya te |
kavachaM mantragarbhaM cha vajrapa~njarakAkhyayA || 1||
shrIvajrapa~njaraM nAma kavachaM paramAdbhutam |
rahasyaM sarvadevAnAM sAdhakAnAM visheShataH || 2||
yaM dhR^itvA bhagavAn devaH prasIdati paraH pumAn |
yasya dhAraNamAtreNa brahmA lokapitAmahaH || 3||
Ishvaro.ahaM shivo bhImo vAsavo.api divaspatiH |
sUryastejonidhirdevi chandrarmAstArakeshvaraH || 4||
vAyushcha balavA.nlloke varuNo yAdasAmpatiH |
kubero.api dhanAdhyakSho dharmarAjo yamaH smR^itaH || 5||
yaM dhR^itvA sahasA viShNuH sa.nhariShyati dAnavAn |
jaghAna rAvaNAdI.nshcha kiM vakShye.ahamataH param || 6||
kavachasyAsya subhage kathito.ayaM muniH shivaH |
triShTup chhando devatA cha lakShmInArAyaNo mataH || 7||
ramA bIjaM parA shaktistAraM kIlakamIshvari |
bhogApavargasiddhyarthaM viniyoga iti smR^itaH || 8||
OM asya shrIlakShmInArAyaNakavachasya shivaH R^iShiH \,
triShTup chhandaH \, shrIlakShmInArAyaNa devatA \,
shrIM bIjaM \, hrIM shaktiH \, OM kIlakaM \,
bhogApavargasiddhyarthe pAThe viniyogaH |
atha dhyAnam |
pUrNenduvadanaM pItavasanaM kamalAsanam |
lakShmyA shritaM chaturbAhuM lakShmInArAyaNaM bhaje || 9||
atha kavacham |
OM vAsudevo.avatu me mastakaM sashiroruham |
hrIM lalATaM sadA pAtu lakShmIviShNuH samantataH || 10||
hsauH netre.avatAllakShmIgovindo jagatAM patiH |
hrIM nAsAM sarvadA pAtu lakShmIdAmodaraH prabhuH || 11||
shrIM mukhaM satataM pAtu devo lakShmItrivikramaH |
lakShmI kaNThaM sadA pAtu devo lakShmIjanArdanaH || 12||
nArAyaNAya bAhU me pAtu lakShmIgadAgrajaH |
namaH pArshvau sadA pAtu lakShmInandaikanandanaH || 13||
aM AM iM IM pAtu vakSho OM lakShmItripureshvaraH |
uM UM R^iM R^IM pAtu kukShiM hrIM lakShmIgaruDadhvajaH || 14||
lR^iM lR^IM eM aiM pAtu pR^iShThaM hsauH lakShmInR^isi.nhakaH |
oM auM aM aH pAtu nAbhiM hrIM lakShmIviShTarashravaH || 15||
kaM khaM gaM ghaM gudaM pAtu shrIM lakShmIkaiTabhAntakaH |
chaM chhaM jaM jhaM pAtu shishrnaM lakShmI lakShmIshvaraH prabhuH || 16||
TaM ThaM DaM DhaM kaTiM pAtu nArAyaNAya nAyakaH |
taM thaM daM dhaM pAtu chorU namo lakShmIjagatpatiH || 17||
paM phaM baM bhaM pAtu jAnU OM hrIM lakShmIchaturbhujaH |
yaM raM laM vaM pAtu ja~Nghe hsauH lakShmIgadAdharaH || 18||
shaM ShaM saM haM pAtu gulphau hrIM shrIM lakShmIrathA~NgabhR^it |
LaM kShaH pAdau sadA pAtu mUlaM lakShmIsahasrapAt || 19||
~NaM ~naM NaM naM maM me pAtu lakShmIshaH sakalaM vapuH |
indro mAM pUrvataH pAtu vahnirvahnau sadAvatu || 20||
yamo mAM dakShiNe pAtu nairR^ityAM nirR^itishcha mAm |
varuNaH pashchime.avyAnmAM vAyavye.avatu mAM marut || 21||
uttare dhanadaH pAyAdaishAnyAmIshvaro.avatu |
vajrashaktidaNDakhaDga pAshayaShTidhvajA~NkitAH || 22||
sashUlAH sarvadA pAntu digIshAH paramArthadAH |
anantaH pAtvadho nityamUrdhve brahmAvatAchcha mAm || 23||
dashadikShu sadA pAtu lakShmInArAyaNaH prabhuH |
prabhAte pAtu mAM viShNurmadhyAhne vAsudevakaH || 24||
dAmodaro.avatAt sAyaM nishAdau narasi.nhakaH |
sa~NkarShaNo.ardharAtre.avyAt prabhAte.avyAt trivikramaH || 25||
aniruddhaH sarvakAlaM vishvaksenashcha sarvataH |
raNe rAjakule dyute vivAde shatrusa~NkaTe
OM hrIM hsauH hrIM shrIM mUlaM lakShmInArAyaNo.avatu || 26||
OMOMOMraNarAjachaurariputaH pAyAchcha mAM keshavaH
hrIMhrIMhrIMhahhAhsauH hsahsauH vahnervatAnmAdhavaH |
hrIMhrIMhrIMjalaparvatAgnibhayataH pAyAdananto vibhuH
shrIMshrIMshrIMshashashAlalaM pratidinaM lakShmIdhavaH pAtu mAm || 27||
itIdaM kavachaM divyaM vajrapa~njarakAbhidham |
lakShmInArAyaNasyeShTaM chaturvargaphalapradam || 28||
sarvasaubhAgyanilayaM sarvasArasvatapradam |
lakShmIsa.nvananaM tatvaM paramArtharasAyanam || 29||
mantragarbhaM jagatsAraM rahasyaM tridivaukasAm |
dashavAraM paThedrAtrau ratAnte vaiShNavottamaH || 30||
svapne varapradaM pashyellakShmInArAyaNaM sudhIH |
trisandhyaM yaH paThennityaM kavachaM manmukhoditam || 31||
sa yAti paramaM dhAma vaiShNavaM vaiShNaveshvaraH |
mahAchInapadastho.api yaH paThedAtmachintakaH || 32||
AnandapUritastUrNaM labhed mokShaM sa sAdhakaH |
gandhAShTakena vilikhedravau bhUrje japanmanum || 33||
pItasUtreNa sa.nveShTya sauvarNenAtha veShTayet |
dhArayedguTikAM mUrdhni lakShmInArAyaNaM smaran || 34||
raNe ripun vijityAshu kalyANI gR^ihamAvishet |
vandhyA vA kAkavandhyA vA mR^itavatsA cha yA~NganA || 35||
sA badhnIyAn kaNThadeshe labhet putrA.nshchirAyuShaH |
gurupadeshato dhR^itvA guruM dhyAtvA manuM japan || 36||
varNalakShapurashcharyA phalamApnoti sAdhakaH |
bahunoktena kiM devi kavachasyAsya pArvati || 37||
vinAnena na siddhiH syAnmantrasyAsya maheshvari |
sarvAgamarahasyADhyaM tatvAt tatvaM parAt param || 38||
abhaktAya na dAtavyaM kuchailAya durAtmane |
dIkShitAya kulInAya svashiShyAya mahAtmane || 39||
mahAchInapadasthAya dAtavyaM kavachottamam |
guhyaM gopyaM mahAdevi lakShmInArAyaNapriyam |
vajrapa~njarakaM varma gopanIyaM svayonivat || 40||
|| iti shrIrudrayAmale tantre shrIdevIrahasye
lakShmInArAyaNakavachaM sampUrNam