WELCOME TO WWW.GREATNESSOFHINDUISM.BLOGSPOT.COM

Om Namo Narayana
Hari Om!!!
Hinduism is a great religion,and finds its roots back to the era of Satya Yuga,which saw the first deluge by Lord Siva for King Satrajit who was rescued along with the Saptarishis and other creatures by Bhagavan Satyanarayana.There has been blogs,homepages and websites dedicated to this great religion,but what makes this blog unique?


This blog contains lot of data,on Gods and Goddesses,saints and gurus,gives information about all temples all over the world,along with specific information on different dieties.This blog also has links to all spiritual pages which can be accessed right from this blog itself.

This blog also contains,youtube videos on kshetras,tirth,etc,so keep browsing this blog,and we hope that you enjoy your presence here.

R.Vishnu Sathyanarayana Iyer

NARASIMHA STOTRAM 

shrI gaNeshAya namaH |
brahmovAcha |
nato.asmyanantAya durantashak{}taye vichitravIryAya pavitrakarmaNe |
vishvasya sargasthitisa.nyamAnguNaiH svalIlayA sandadhate.avyayAtmane || 1||
shrIrudra uvAcha |
kopakAlo yugAntaste hato.ayamasuro.alpakaH |
tatsutaM pAhyupasR^itaM bhak{}taM te bhak{}tavatsala || 2||
indra uvAcha |
pratyAnItAH parama bhavatA trAyatAM naH svabhAgA
daityAkrAntaM hR^idayakamalaM tvadgR^ihaM pratyabodhi |
kAlagrastaM kiyadidamaho nAtha shushrUShatAM te
muk{}tisteShAM na hi bahumatA nArasi.nhAparaiH kim || 3||
R^iShaya UchuH |
tvaM nastapaH paramamAttha yadAtmatejo yenedamAdipuruShAtmagataM sasarja |
tadvipraluptamamunAdya sharaNyapAla rakShAgR^ihItavapuShA punaranvama.nsthAH || 4||
pitara UchuH |
shrAddhAni no.adhibubhuje prasabhaM tanUjairdattAni tIrthasamaye.apyapibattilAmbu |
tasyodarAnnakhavidIrNavapAdya Archchhattasmai namo nR^iharaye.akhila dharmagoptre || 5||
siddhA UchuH |
yo no gatiM yogasiddhAmasAdhurahAraShIdyogatapobalena |
nAnAdarpaM taM nakhairnirdadAra tasmai tubhyaM praNatAH smo nR^isi.nha || 6||
vidyAdharA UchuH |
vidyAM pR^ithagdhAraNayA.anurAddhAM nyaShedhadaj~no balavIryadR^iptaH |
sa yena sa.nkhye pashubaddhatastaM mAyAnR^isi.nhaM praNatAH sma nityam || 7||
nAgA UchuH |
yena pApena rat{}nAni strIrat{}nAni hR^itAni naH |
tadvakShaHpATanenAsAM dattAnanda namo.astu te || 8||
manava UchuH |
manavo vayaM tava nideshakAriNo ditijena deva paribhUtasetavaH |
bhavatA khalaH sa upasa.nhR^itaH prabho karavAma te kimanushAdhi ki~NkarAn || 9||
prajApataya UchuH |
prajeshA vayaM te pareshAbhisR^iShTA na yena prajA vai sR^ijAmo niShiddhAH |
sa eSha tvayA bhinnavakShAnushete jaganma~NgalaM sattvamUrte.avahAraH || 10||
gandharvA UchuH |
vayaM vibho te naTanATyagAyakA yenAtmasAdvIryabalaujasA kR^itAH |
sa eSha nIto bhavatA dashAmimAM kimutpathasthaH kushalAya kalpate || 11||
chAraNA UchuH |
hare tavA.ngghripa~NkajaM bhavApavargamAshritAH |
yadeva sAdhu hR^ichchhayastvayA.asuraH samApitaH || 12||
yakShA UchuH |
vayamanucharamukhyAH karmabhiste manoj~naista iha ditisutena prApitA vAhakatvam |
sa tu janaparitApaM tatkR^itaM jAnatA te narahara upanItaH pa~n{}chatAM pa~n{}chavi.nshaH || 13||
kimpuruShA UchuH |
vayaM kimpuruShAstvaM tu mahApuruSha Ishvara |
ayaM kupuruSho naShTo dhikkR^itaH sAdhubhiryadA || 14||
vaitAlikA UchuH |
sabhAsu satreShu tavAmalaM yasho gItvA saparyAM mahatIM labhAmahe |
yastAM vyanaiShIdbhR^ishameSha durjano diShTyA hataste bhagavanyathAmayaH || 15||
kinnarA UchuH |
vayamIsha kinnaragaNAstavAnugA ditijena viShTimamunA.anukAritAH |
bhavatA hare sa vR^ijino.avasAdito narasi.nha nAtha vibhavAya no bhava || 16||
viShNupArShadA UchuH |
adyaitaddharinararUpamadbhutaM te dR^iShTaM naH sharaNada sarvalokasharma |
so.ayaM te vidhikara Isha viprashaptastasyedaM nidhanamanugrahAya vidmaH || 17||