ASHTOTHRASHATANAMA RAMAYANAM

shriinaathe jaanakiinaathe abhedaH paramaatmani .
tathaapi mama sarvasvaH raamaH kamalalochanaH ..
OM shriiraamachandraaya namaH .

                stavaH
varNaanaamarthasaN^ghaanaaM rasaanaaM Chandasaamapi .
maN^galaanaaM cha kartaarau vande vaaNiivinaayakau .. 1..
bhavaaniishaN^karau vande shraddhaavishvaasaruupiNau .
yaabhyaaM vinaa na pashyanti siddhaa svaantaHsthamiishvaram .. 2..
vande bodhamayaM nityaM guruM shaN^kararuupiNam .
yamaashrito hi vakro.api chandraH sarvatra vandyate .. 3..
siitaaraamaguNagraamapuNyaaraNyavihaariNau .
vande vishuddhavij~naanau kaviishvarakapiishvarau .. 4..
udbhavasthitisaMhaarakaariNiiM kleshahaariNiim .
sarvashreyaskariiM siitaaM nato.ahaM raamavallabhaam .. 5..
yanmaayaavashavarti vishvamakhilaM brahmaadidevaasuraaH
yatsattvaadamR^iShaiva bhaati sakalaM rajjau yathaaherbhramaH .
yatpaadaplavameva bhaati hi bhavaambhodhestitiirShaavataaM
vande.ahaM tamasheShakaaraNaparaM raamaakhyamiishaM harim .. 6..
prasannataaM yaa na gataabhiShekatastathaa na mamlau vanavaasaduHkhataH .
mukhaambujashriiraghunandanasya me sadaastu saa ma~njulamaN^galapradaa .. 7..
niilaambujashyaamalakomalaaN^gaM siitaasamaaropitavaamabhaagam .
paaNau mahaasaayakachaaruchaapaM namaami raamaM raghuvaMshanaatham .. 8..
muulaM dharmatarorvivekajaladheH pUrNendumaanandadaM
vairaagyaambujabhaaskaraM tvaghaharaM dhvaantaapahaM taapaham .
mohaambhodharapu~njapaaTanavidhau khesambhavaM shaN^karaM
vande brahmakule kalaN^kashamanaM shriiraamabhuupapriyam .. 9..
saandraanandapayodasaubhagatanuM piitaambaraM sundaraM 
paaNau baaNasharaasanaM kaTilasattuuNiirabhaaraM varam .
raajiivaayatalochanaM dhR^itajaTaajuuTena saMshobhitaM
siitaalakShmaNasaMyutaM pathigataM raamaabhiraamaM bhaje .. 10..
kundendiivarasundaraavatibalau vij~naanadhaamaavubhau 
shobhaaDhyau varadhanvinau shrutinutau govipravR^indapriyau .
maayaamaanuSharuupiNau raghuvarau saddharmavantau hitau
siitaanveShaNatatparau pathigatau bhaktipradau tau hi naH .. 11..
brahmaambhodhisamudbhavaM kalimalapradhvaMsanaM chaavyayaM
shriimachChambhumukhendusundaravare saMshobhitaM sarvadaa .
saMsaaraamayabheShajaM sumadhuraM shriijaanakiijiivanaM 
dhanyaaste kR^itinaH pibanti satataM shriiraamanaamaamR^itam .. 12..
shaantaM shaashvatamaprameyamanaghaM nirvaaNashaantipradaM
brahmaashambhuphaNiindrasevyamanishaM vedaantavedyaM vibhum .
raamaakhyaM jagadiishvaraM suraguruM maayaamanuShyaM hariM 
vande.ahaM karuNaakaraM raghuvaraM bhuupaalachuuDaamaNim .. 13..
kekiikaNThaabhaniilaM suravaravilasadviprapaadaabjachihnaM 
shobhaaDhyaM piitavastraM sarasijanayanaM sarvadaa suprasannam . 
paaNau naaraachachaapaM kapinikarayutaM bandhunaa sevyamaanaM 
naumiiDyaM jaanakiishaM raghuvaramanishaM puShpakaaruuDharaamam .. 14.. 
aartaanaamaartihantaaraM bhiitaanaaM bhayanaashanam .
dviShataaM kaaladaNDaM taM raamachandraM namaamyaham .. 15..
shriiraaghavaM dasharathaatmajamaprameyaM 
siitaapatiM raghukulaanvayaratnadiipam .
aajaanubaahumaravindadalaayataakShaM 
raamaM nishaacharavinaashakaraM namaami .. 16..
vaidehiisahitaM suradrumatale haime mahaamaNDape 
madhye puShpaka aasane maNimaye viiraasane saMsthitam .
agre vaachayati prabha~njanasute tattvaM muniindraiH paraM
vyaakhyaataM bharataadibhiH parivR^itaM raamaM bhaje shyaamalam .. 17..

         praarthanaa
naanyaa spR^ihaa raghupate hR^idaye.asmadiiye 
satyaM vadaami cha bhavaanakhilaantaraatmaa .
bhaktiM prayachCha raghupuN^gava nirbharaaM  me 
kaamaadidoSharahitaM kuru maanasaM cha ..
OM shriisiitaa\-lakShmaNa\-bharata\-shatrughna\-hanumatsameta\-
shriiraamachandraparabrahmaNe namaH ..

      atha saMkiirtanam |
      baalakaaNDam
1\. shuddhabrahmaparaatpara raama .
2\. kaalaatmakaparameshvara raama ..
3\. sheShatalpasukhanidrita raama .
4\. brahmaadyamarapraarthita raama ..
5\. chaNDakiraNakulamaNDana raama .
6\. shriimaddasharathanandana raama ..
7\. kaushalyaasukhavardhana raama .
8\. vishvaamitrapriyadhana raama ..
9\. ghorataaTakaaghaataka raama .
10\. maariichaadinipaataka raama ..
11\. kaushikamakhasaMrakShaka raama .
12\. shriimadahalyoddhaaraka raama ..
13\. gautamamunisampuujita raama .
14\. suramunivaragaNasaMstuta raama ..
15\. naavikadhaavitamR^idupada raama .
16\. mithilaapurajanamohaka raama ..
17\. videhamaanasara~njaka raama .
18\. tryambakakaarmukabha~njaka raama ..
19\. siitaarpitavaramaalika raama .
20\. kR^itavaivaahikakautuka raama ..
21\. bhaargavadarpavinaashaka raama .
22\. shriimadayodhyaapaalaka raama ..
      ayodhyaakaaNDam
23\. agaNitaguNagaNabhUShita raama .
24\. avaniitanayaakaamita raama ..
25\. raakaachandrasamaanana raama .
26\. pitR^ivaakyaashritakaanana raama ..
27\. priyaguhaviniveditapada raama .
28\. tatkShaalitanijamR^idupada raama ..
29\. bharadvaajamukhanandaka raama .
30\. chitrakuuTaadriniketana raama ..
31\. dasharathasantatachintita raama .
32\. kaikeyiitanayaarthita raama ..
33\. virachitanijapitR^ikarmaka raama .
34\. bharataarpitanijapaaduka raama ..
      araNyakaaNDam
35\. daNDakavanajanapaavana raama .
36\. duShTaviraadhavinaashana raama ..
37\. sharabhaN^gasutiikShNaarchita raama .
38\. agastyanugrahavardhita raama ..
39\. gR^idhraadhipasaMsevita raama .
40\. pa~nchavaTiitaTasusthita raama ..
41\. shuurpaNakhaartividhaayaka raama .
42\. kharaduuShaNamukhasuudaka raama ..
43\. siitaapriyahariNaanuga raama .
44\. maariichaartikR^idaashuga raama ..
45\. vinaShTasiitaanveShaka raama .
46\. gR^idhraadhipagatidaayaka raama ..
47\. shabariidattaphalaashana raama .
48\. kabandhabaahuchChedaka raama ..
      kiShkindhaakaaNDam
49\. hanumatsevitanijapada raama .
50\. natasugriivaabhiiShTada  raama ..
51\. garvitavaalisaMhaaraka raama .
52\. vaanaraduutapreShaka raama ..
53\. hitakaralakShmaNasaMyuta raama .
      sundarakaaNDam
54\. kapivarasantatasaMsmR^ita raama ..
55\. tadgativighnadhvaMsaka raama .
56\. siitaapraaNaadhaaraka raama ..
57\. duShTadashaananaduuShita raama .
58\. shiShTahanuumadbhuuShita raama ..
59\. siitaaveditakaakaavana raama .
60\. kR^itachuuDaamaNidarshana raama ..
61\. kapivaravachanaashvaasita raama .
      yuddhakaaNDam
62\. raavaNanidhanaprasthita raama ..
63\. vaanarasainyasamaavR^ita raama .
64\. shoShitasaridiishaarthita raama ..
65\. vibhiiShaNaabhayadaayaka raama .
66\. parvatasetunibandhaka raama ..
67\. kumbhakarNashirachChedaka raama .
68\. raakShasasaN^ghavimardaka raama ..
69\. ahimahiraavaNachaaraNa raama .
70\. saMhR^itadashamukharaavaNa raama ..
71\. vidhibhavamukhasurasaMstuta raama .
72\. khasthitadasharathaviikShita raama ..
73\. siitaadarshanamodita raama .
74\. abhiShiktavibhiiShaNanata raama ..
75\. puShpakayaanaarohaNa raama .
76\. bharadvaajaabhiniShevaNa raama ..
77\. bharatapraaNapriyakara raama .
78\. saaketapuriibhuuShaNa raama ..
79\. sakalasviiyasamaanata raama .
80\. ratnalasatpiiThaasthita raama ..
81\. paTTaabhiShekaalaN^kR^ita raama .
82\. paarthivakulasammaanita raama ..
83\. vibhiiShaNaarpitaraN^gaka raama .
84\. kiishakulaanugrahakara raama ..
85\. sakalajiivasaMrakShaka raama .
86\. samastalokaadhaaraka raama ..
      uttarakaaNDam
87\. aagatamunigaNasaMstuta raama .
88\. vishrutadashakaNThodbhava raama ..
89\. siitaaliN^gananirvR^ita raama .
90\. niitisurakShitajanapada raama ..
91\. vipinatyaajitajanakaja raama .
92\. kaaritalavaNaasuravadha raama ..
93\. svargatashambukasaMstuta raama .
94\. svatanayakushalavanandita raama ..
95\. ashvamedhakratudiikShita raama .
96\. kaalaaveditasurapada raama ..
97\. aayodhyakajanamuktida raama .
98\. vidhimukhavibudhaanandaka raama ..
99\. tejomayanijaruupaka raama .
100\. saMsR^itibandhavimochaka raama ..
101\. dharmasthaapanatatpara raama .
102\. bhaktiparaayaNamuktida raama ..
103\. sarvacharaacharapaalaka raama .
104\. sarvabhavaamayavaaraka raama ..
105\. vaikuNThaalayasaMsthita raama .
106\. nityaanandapadasthita raama ..
107\. raama raama jaya raajaa raama .
108\. raama raama jaya siitaa raama ..

       bhajanam
bhayahara maN^gala dasharatha raama .
jaya jaya maN^gala siitaa raama ..
maN^galakara jaya maN^gala raama .
saN^gatashubhavibhavodaya raama ..
aanandaamR^itavarShaka raama .
aashritavatsala jaya jaya raama ..
raghupati raaghava raajaa raama .
patitapaavana siitaa raama ..

       stavaH
kanakaambara kamalaasanajanakaakhila\-dhaama .
sanakaadikamunimaanasasadanaanagha bhuuma ..
sharaNaagatasuranaayakachirakaamita kaama .
dharaNiitalataraNa dasharathanandana raama ..
pishitaashanavanitaavadhajagadaananda raama .
kushikaatmajamakharakShaNa charitaadbhuta raama ..
dhanigautamagR^ihiNiisvajadaghamochana raama .
munimaNDalabahumaanita padapaavana raama ..
smarashaasanasusharaasanalaghubha~njana raama .
naranirjarajanara~njana siitaapati\-raama ..
kusumaayudhatanusundara kamalaanana raama .
vasumaanitabhR^igusambhavamadamardana raama ..
karuNaarasavaruNaalaya natavatsala raama .
sharaNaM tava charaNaM bhavaharaNaM mama raama ..

       shriiraamapraNaamaH
aapadaamapahartaaraM daataaraM sarvasampadaam .
lokaabhiraamaM shriiraamaM bhuuyo bhuuyo namaamyaham ..
raamaaya raamachandraaya raamabhadraaya vedhase .
raghunaathaaya naathaaya siitaayaaH pataye namaH ..

       shriihanumatpraNaamaH
atulitabaladhaamaM svarNashailaabhadehaM
danujavanakR^ishaanuM j~naaninaamagragaNyam .
sakalaguNanidhaanaM vaanaraaNaamadhiishaM
raghupativaraduutaM vaatajaataM namaami .. 1..
goShpadiikR^itavaaraashiM mashakiikR^itaraakShasam .
raamaayaNamahaamaalaaratnaM vande.anilaatmajam .. 2..
a~njanaanandanaM viiraM jaanakiishokanaashanam .
kapiishamakShahantaaraM vande laN^kaabhayaN^karam .. 3..
ullaN^ghya sindhoH salilaM saliilaM yaH shokavahniM janakaatmajaayaaH .
aadaaya tenaiva dadaaha laN^kaaM namaami taM praa~njaliraa~njaneyam .. 4..
manojavaM maarutatulyavegaM jitendriyaM buddhimataaM variShTham .
vaataatmajaM vaanarayuuthamukhyaM shriiraamaduutaM shirasaa namaami .. 5..
aa~njaneyamatipaaTalaananaM kaa~nchanaadrikamaniiyavigraham .
paarijaatatarumuulavaasinaM bhaavayaami pavamaananandanam .. 6..
yatra yatra raghunaathakiirtanaM tatra tatra kR^itamastakaa~njalim .
vaaShpavaariparipuurNalochanaM maarutiM namata raakShasaantakam .. 7..