SHALIGRAMA STOTRAM

shrI gaNeshAya namaH |
asya shrIshAligrAmastotraman{}trasya shrIbhagavAn R^iShiH\,
nArAyaNo devatA\, anuShTup chhandaH\, 
shrIshAligrAmastotraman{}trajape viniyogaH ||
yudhiShThira uvAcha |
shrIdevadeva devesha devatArchanamuttamam |
tatsarvaM shrotumichchhAmi brUhi me puruShottama || 1||
shrIbhagavAnuvAcha |
gaNDakyAM chottare tIre girirAjasya dakShiNe |
dashayojanavistIrNA mahAkShetravasundharA || 2||
shAligrAmo bhaveddevo devI dvArAvatI bhavet |
ubhayoH sa~Ngamo yatra muk{}tistatra na sa.nshayaH || 3||
shAligrAmashilA yatra yatra dvArAvatI shilA |
ubhayoH sa~Ngamo yatra muk{}tistatra na sa.nshayaH || 4||
AjanmakR^itapApAnAM prAyashchittaM ya ichchhati |
shAligrAmashilAvAri pApahAri namo.astu te || 5||
akAlamR^ityuharaNaM sarvavyAdhivinAshanam |
viShNoH pAdodakaM pItvA shirasA dhArayAmyaham || 6||
sha~Nkhamadhye sthitaM toyaM bhrAmitaM keshavopari |
a~NgalagnaM manuShyANAM brahmahatyAdikaM dahet || 7||
s{}nAnodakaM pivennityaM chakrA~Nkitashilodbhavam |
prakShAlya shuddhaM tattoyaM brahmahatyAM vyapohati || 8||
agniShTomasahasraaNi vAjapeyashatAni cha |
samyak phalamavApnoti viShNornaivedyabhakShaNAt || 9||
naivedyayuk{}tAM tulasIM cha mishritAM visheShataH pAdajalena viShNoH |
yo.ashnAti nityaM purato murAreH prApnoti yaj~nAyutakoTipuNyam || 10||
khaNDitAH sphuTitA bhinnA vanhidagdhAstathaiva cha |
shAligrAmashilA yatra tatra doSho na vidyate || 11||
na man{}traH pUjanaM naiva na tIrthaM na cha bhAvanA |
na stutirnopachArashcha shAligrAmashilArchane || 12||
brahmahatyAdikaM pApaM manovAkkAyasambhavam |
shIghraM nashyati tatsarvaM shAligrAmashilArchanAt || 13||
nAnAvarNamayaM chaiva nAnAbhogena veShTitam |
tathA varaprasAdena lakShmIkAntaM vadAmyaham || 14||
nArAyaNodbhavo devashchakramadhye cha karmaNA |
tathA varaprasAdena lakShmIkAntaM vadAmyaham || 15||
kR^iShNe shilAtale yatra sUkShmaM chakraM cha dR^ishyate |
saubhAgyaM santatiM dhatte sarva saukhyaM dadAti cha || 16||
vAsudevasya chihnAni dR^iShTvA pApaiH pramuchyate |
shrIdharaH sukare vAme haridvarNastu dR^ishyate || 17||
varAharUpiNaM devaM kUrmA~Ngairapi chihnitam |
gopadaM tatra dR^ishyeta vArAhaM vAmanaM tathA || 18||
pItavarNaM tu devAnAM rak{}tavarNaM bhayAvaham |
nArasi.nho bhaveddevo mokShadaM cha prakIrtitam || 19||
sha~NkhachakragadAkUrmAH sha~Nkho yatra pradR^ishyate |
sha~NkhavarNasya devAnAM vAme devasya lakShaNam || 20||
dAmodaraM tathA sthUlaM madhye chakraM pratiShThitam |
pUrNadvAreNa sa~NkIrNA pItarekhA cha dR^ishyate || 21||
chhatrAkAre bhavedrAjyaM vartule cha mahAshriyaH |
chipiTe cha mahAduHkhaM shUlAgre tu raNaM dhruvam || 22||
lalATe sheShabhogastu shiropari sukA~n{}chanam |
chakrakA~n{}chanavarNAnAM vAmadevasya lakShaNam || 23||
vAmapArshve cha vai chakre kR^iShNavarNastu pi~Ngalam |
lakShmInR^isi.nhadevAnAM pR^ithagvarNastu dR^ishyate || 24||
lamboShThe cha daridraM syAtpiN^gale hAnireva cha |
lagnachakre bhavedyAdhirvidAre maraNaM dhruvam || 25||
pAdodakaM cha nirmAlyaM mastake dhArayetsadA |
viShNorddaShTaM bhakShitavyaM tulasIdalamishritam || 26||
kalpakoTisahasraaNi vaikuNThe vasate sadA |
shAligrAmashilAbindurhatyAkoTivinAshanaH || 27||
tasmAtsampUjayeddhyAtvA pUjitaM chApi sarvadA |
shAligrAmashilAstotraM yaH paThechcha dvijottamaH || 28||
sa gachchhetparamaM sthAnaM yatra lokeshvaro hariH |
sarvapApavinirmuk{}to viShNulokaM sa gachchhati || 29||
dashAvatAro devAnAM pR^ithagvarNastu dR^ishyate |
IpsitaM labhate rAjyaM viShNupUjAmanukramAt || 30||
koT.hyo hi brahmahatyAnAmagamyAgamyakoTayaH |
tAH sarvA nAshamAyAnti viShNunaivedyabhakShaNAt || 31||
viShNoH pAdodakaM pItvA koTijanmAghanAshanam |
tasmAdaShTaguNaM pApaM bhUmau bindunipAtanAt || 32||