SITA KAVACHAM

agastiruvaacha-
samyak pR^iShTaM tvayaa vatsa saavadhaanamanaaH shruNu |
aadau vaxyaamyahaM ramyaM siitaayaaH kavachaM shubham.h || 1||
yaa siitaavani saMbhavaathamithilaapaalena saMvardhitaa
padmaaxanR^ipateH sutaa nalagataa yaa maatuli~Ngotbhavaa|
yaa ratne layamaagataa jalanidhau yaa veda  vaaraM gataa
la~NkaaM saa mR^igalochanaa shashimukhii maaMpaatu raamapriyaa || 2||

atha nyaasaH ||

asya shrii siitaakavacha mantrasya agasti R^iShiH |
shrii siitaa devataa |
anuShTup ChandaH |
rameti biijam.h |
janakajeti shaktiH |avanijeti kiilakam.h |
padmaaxa sutetyastram.h |
maatuli~Ngiiti kavacham.h |
muulakaasura ghaatiniiti mantraH |
shriisiitaaraamachandra priityarthaM  sakala
kaamanaa siddhyarthaM jape viniyogaH ||

atha a~NguLii nyaasaH ||
OM hraaM siitaayai a~NguShThaabhyaaM namaH |
OM hriiM ramaayai tarjaniibhyaaM namaH |
OM hruuM janakajaayai madhyamaabhyaaM namaH |
OM hraiM avanijaayai anaamikaabhyaaM namaH |
OM hrauM padmaaxasutaayai kaniShThikaabhyaaM namaH |
OM hraH maatuli~Ngyai karatala karapR^iShThaabhyaaM namaH ||

hR^idayaadinyaasaH ||
OM hraaM siitaayai hR^idayaaya namaH |
OM hriiM ramaayai shirase svaahaa |
OM hruuM janakajaayai shikaayai vaShaT |
OM hraiM avanijaayai kavachaaya hum.h |
OM hrauM padmaaxasutaayai netratrayaaya vauShaT |
OM hraH maatuli~Ngyai astraaya phaT |
bhuurbhuvaHsuvaromiti digbandhaH ||

atha dhyaanam ||
siitaaM kamalapatraaxiiM vidyutpu~ncha samaprabhaam.h |
dvibhujaaM sukumaaraa~NgiiM piitakauseya vaasiniim.h || 1||
siMhaasane raamachandra vaamabhaaga sthitaaM varaam.h |
naanaala~Nkaara samyuktaaM kuNDaladvaya dhaariNiim.h || 2||
chuuDaaka~NkaNa keyuura rashanaa nuupuraanvitaam.h |
siimante ravichandraabhyaaM niTile tilakena cha || 3||
mayuuraa bharaNenaapi ghraaNeti shobhitaaMshubhaam.h |
haridraaM kajjalaM divyaM ku~NkumaM kusumaani cha || 4||
bibhrantiiM surabhidravyaM sagandha sneha muttamam.h |
smitaananaaM gauravarNaaM mandaara kusumaM kare || 5||
bibhrantii mapare haste maatuli~Nga manuttamam.h |
ramyavaasaaM cha bimboShThiiM chandra vaahana lochanaam.h || 6||
kalaanaatha samaanaasyaaM kalakaNTha manoramaam.h |
maatuli~NgotbhavaaM deviiM padmaaxaduhitaaM shubhaam.h || 7||
maithiliiM raamadayitaaM daasiibhiH pariviijitaam.h |
evaM dhyaatvaa janakajaaM hemakuMbha payodharaaM  || 8||
siitaayaaH kavachaM divyaM paThaniiyaM subhaavahaM  || 9||
OM | shrii siitaa puurvataH paatu daxiNevatu jaanakii |
pratiichyaaM paatu vaidehii paatuudiichyaaM cha maithilii || 1||
adhaH paatu maatuli~Ngii uurdhvaM padmaaxajaavatu |
madhyevanisutaa paatu sarvataH paatu maaM ramaa || 2||
smitaananaa shiraH paatu paatu bhaalaM nR^ipaatmajaa |
padmaavatu bhR^ivormadhye mR^igaaxii nayanevatu || 3||
kapole karNamuule cha paatu shriiraama vallabhaa |
naasaagraM saatvikii paatu paatu vaktraM tu raajasii || 4||
taamasii paatu madvaaNiiM paatu jihvaaM pativrataa |
dantaan paatu mahaamaayaa chibukaM kanakaprabhaa || 5||
paatu kaNThaM saumyaruupaa skandhau paatu suraarchitaa |
bhujau paatu varaarohaa karau ka~NkaNa maNDitaa  || 6||
nakhaan raktanakhaa paatu kuxau paatu laghuudaraa |
vaxaH paatu raamapatnii paarshve raavaNamohinii || 7||
pR^iShThadeshe  vahniguptaa vatu maaM sarvadaiva hi |
divyapradaa paatu naabhiM kaTiM raaxasa mohinii || 8||
guhyaM paatu ratnaguptaa li~NgaM paatu haripriyaa |
uuruu raxatu raMbhoruuH jaanunii priya bhaaShiNii || 9||
ja~Nghe paatu sadaa subhruuH gulphau chaamaraviijitaa |
paadau lavasutaa paatu paatva~Ngaani kushaambikaa || 10||
paadaa~NguLiiH sadaa paatu mama nuupura nisvanaa |
romaaNyavatu me nityaM piitakausheyavaasinii || 11||
raatrau paatu kaalaruupaa dine daanaika tatparaa |
sarvakaaleShu maaM paatu muulakaasuraghaatinii || 12||
evaM sutiixNa siitaayaaH kavachaM te mayeritam.h |
idaM praataH samutthaaya snaatvaa nityaM paThettuyaH || 13||
jaanakiiM puujayitvaa sa sarvaan kaamaanavaapnuyaat |
dhanaarthii praapnuyaaddravyaM putraarthii putramaapnuyaat || 14||
striikaamaarthii shubhaaM naariiM sukhaarthi saukhya maapnuyaat |
aShTavaaraM japaniiyaM siitaayaaH kavachaM sadaa || 15||
aShTabhuusura siitaayai narai priityaarpayet sadaa |
phalapuShpaadi kaadiini yaani yaani pR^ithak pR^ithak || 16||
siitaayaaH kavachaM chedaM puNyaM paataka naashanam.h |
ye paThanti naraa bhaktyaa te dhanyaa maanavaa bhuvi || 17||
paThanti raamakavachaM siitaayaaH kavachaM vinaa |
tathaa vinaa laxmaNasya kavachena vR^ithaa smR^itam.h || 18||
tasmaat.h sadaa narair jaapyaM kavachaanaaM chatuShTayam.h |
aadau tu vaayuputrasya laxmaNasya tataH param.h || 19||
tataH paTechcha siitaayaaH shriiraamasya tataH param.h |
evaM sadaa japaniiyaM kavachaanaaM chatuShTayam.h || 20||

iti shrii shatakoTiraamaayaNaaMtargata shriimadaanandaraamaayaNe
vaalmikiiye manoharakaaNDe shrii siitaakavachaM saMpuurNam.h ||