KRISHNAKARNAAMRITAM

chintaamaNirjayati somagirirgururme
shikshaagurushcha bhagavaan.h shikhipiJNchhamauliH |
yatpaadakalpatarupallavashekhareshhu
liilaasvayaMvararasaM labhate jayashriiH || 1\.1||


asti svastaruNiikaraagravigalatkalpaprasuunaaplutaM
vastuprastutaveNunaadalahariinirvaaNanirvyaakulam.h |
srastasrastaniruddhaniivivilasadgopiisahasraavR^itaM
hastanyastanataapavargamakhilodaaraM kishoraakR^iti || 1\.2||

chaaturyaikanidhaanasiimachapalaa.apaaN^gachchhaTaamandaraM
laavaNyaamR^itaviichilaalitadR^ishaM lakshmiikaTakshaadR^itam.h |
kaalindiipulinaaN^gaNapraNayinaM kaamaavataaraaN^kuraM
baalaM niilamamii vayaM madhurimasvaaraajyabhaaraadhnumaH || 1\.3||

barhottaMsavilaasikuntalabharaM maadhuryamagnaananaM
pronmiilannavayauvanaM pravilasadveNupraNaadaamR^itam.h |
aapiinastanakuDmalaabhirabhito gopiibhiraaraadhitaM
jyotishchetasi nashchakaasti jagataamekaabhiraamaadbhutam.h || 1\.4||

madhuratarasmitaamR^itavimugdhamukhaamburuhaM
madashikhipiJNchhalaaJNchhitamanoGYakachaprachayam.h |
vishhayavishhaamishhagrasanagR^idhnushhi chetasi me
vipulavilochanaM kimapi dhaama chakaasti chiram.h || 1\.5||

mukulaayamaananayanaambujaM vibho\-
rmuraliininaadamakarandanirbharam.h |
mukuraayamaaNamR^idugaNDamaNDalaM
mukhapaN^kajaM manasi me vijR^imbhtaam.h || 1\.6||

kamaniiyakishoramugdhamuurteH
kalaveNukvaNitaadR^itaananendoH |
mama vaachi vijR^imbhataaM muraare\-
rmadhurimNaH kaNikaapi kaapi kaapi || 1\.7||

madashikhaNDishikhaNDavibhuushhaNaM
madanamantharamugdhamukhaaMbujam.h |
vrajavadhuunayanaaJNchalavaJNchitaM
vijayataaM mama vaaN^mayajiivitam.h || 1\.8||

pallavaaruNapaaNipaN^kajasaN^giveNUravaakulaM
phullapaatalapaaTaliiparivaadipaadasaroruham.h |
ullasanmadhuraadharadyutimaJNjariisarasaananaM
vallaviikuchakumbhakuN^kumapaN^kilaM prabhumaashraye || 1\.9||

apaaN^garekhaabhirabhaN^guraabhi\-
ranaN^galiilaarasaraJNchitaabhiH |
anukshanaM vallavasundariibhi\-
rabhyarchamaanaM vibhumaashrayaamaH || 1\.10||

hR^idaye mama hR^idyavibhramaaNaaM
hR^idayaM harshhavishaalalolanetram.h |
taruNaM vrajabaalasundariiNaaM
taralaM kiJNchana dhaama sannidhattaam.h || 1\.11||

nikhilabhuvanalakshmiinityaliilaaspadaabhyaaM
kamalavipinaviithiigarvasarvaN^kashhaabhyaam.h |
praNamadabhayadaanaprauDhagaaDhoddhataabhyaaM
kimapi vahatu chetaH kR^ishhNapaadaambujaabhyaam.h || 1\.12||

praNayapariNataabhyaaM praabhavaalambanaabhyaaM
pratipadalalitaabhyaaM pratyahaM nuutanaabhyaam.h |
patimuhuradhikaabhyaaM prasnuvallochanaabhyaaM
prabhavatu hR^idaye naH praaNanaathaH kishoraH || 1\.13||

maadhuryavaaridhimadaandhataraN^gabhaN^gii\-
shR^iN^gaarasaMkalitashiitakishoraveshham.h |
aamandahaasalalitaananachandrabimba\-
maanandasaMplavamanuplavataaM mano me || 1\.14||

avyaajamaJNjulamukhaambujamugdhabhaavai\-
raasvaadyamaananijaveNuvinodanaadam.h |
aakriiDitaamaruNapaadasaroruhaabhyaa\-
maardre madiiyahR^idaye bhuvanaardramojaH || 1\.15||

maNinuupuravaachaalaM vande tachcharaNaM vibhoH |
lalitaani yadiiyani lakshmaaNi vrajaviithishhu || 1\.16||

 mama chetasi sphuratu vallaviivibho\-
rmaNinuupurapraNayimaJNjushiJNjitam.h |
kamalaavanecharakalindakanyakaa\-
kalahaMsakaNThakalakuujitaadR^itam.h || 1\. 17||

taruNaaruNakaruNaamayavipulaayatanayanaM
kamalaakuchakalashiibharapulakiikR^itahR^idayam.h |
muraliiravataraliikR^itamunimaanasanalinaM
mama khelati madachetasi madhuraadharamamR^itam.h || 1\.18||

aamugdhamardhanayanaambujachumbyamaana\-
harshhaakulavrajavadhuumadhuraananendoH |
aarabdhaveNuravamaadikishoramuurte\-
raavirbhavanti mama chetasi ko.api bhaavaaH || 1\.19||

kalakvaNitakaN^kaNaM karaniruddhapiitaambaraM
kramaprasR^itakuntalaM kalitabarhabhuushhaM vibhoH |
punaH prasR^itichaapalaM praNiyiniibhujaayantritaM
mama sphuratu maanase madanakelishayyotthitam.h || 1\.20||

stokastokanirudhyamaanamR^idulaprasyandimandasmitaM
premodbhedanirargalaprasR^imarapravyaktaromodgamam.h |
shrotR^ishrotramanoharavrajavadhuuliilaamitho jalpitaM
mithyaasvaapamupaasmahe bhagavataH kriiDaanimiilad.hdR^ishaH || 1\.21||

vichitrapatraaN^kurashaalibaalaa\-
stanaantaraM maunimanontaraM vaa |
apaasya vR^indaavanapaadapaasya\-
mupaasyamanyanna vilokayaamaH || 1\.22||

saardhaM samR^idairamR^itaayamaanai\-
raadhyaayamaanairmuraliininaadaiH |
muurdhaabhishhiktaM madhuraakR^itiinaaM
baalaM kadaa naama vilokayishhye || 1\.23||

shishiriikurute kadaa nu naH 
shikhipiJNchhaabharaNashshishurdR^ishoH |
yugalaM vigalanmadhudrava
smitamudraamR^idunaa mukhendunaa || 1\.24||

kaaruNyakarburakaTaakshaniriikshaNena
taaruNyasaMvalitashaishavavaibhavena |
aapushhNataa bhuvanamadbhutavibhrameNa
shriikR^ishhNachandra shishirii kuru lochanaM me || 1\.25||

kadaa vaa kaalindiikuvalayadalashyaamalataraaH
kaTaakshaa lakshyante kimapi karuNaaviichinichitaaH |
kadaa vaa kandarpapratibhaTajaTaachandrashishiraaH
kimapyantastoshhaM dadati muraliikelininadaaH || 1\.26||

adhiiramaalokitamaardrajalpitaM
gataM cha gaMbhiiravilaasamantharam.h |
amantamaaliN^gitamaakulonmada\-
smitaM cha te naatha vadanti gopikaaH || 1\.27||

astokasmitabharamaayataayataakshaM
nishsheshhastanamR^iditaM vrajaaN^ganaabhiH |
nissiimastabakitaniilakaantidhaaraM
dR^ishyaasaM tribhuvanasundaraM mahaste || 1\.28||

mayi prasaadaM madhuraiH kaTaakshai\-
rvashiininaadaanucharairvidhehi |
tvayi prasanne kimihaaparairna\-
stvayyaprasanne kimihaaparairnaH || 1\.29||

nibaddhamugdhaaJNjalireshha yaache
niirandhradainyonnatamuktakaNTham.h |
dayaambudhe deva bhavatkaTaaksha\-
daakshiNyaleshena sakR^innishhiJNcha || 1\.30||

piJNchhaavataMsarachanochitakeshapaashe
piinastaniinayanapaN^kajapuujaniiye |
chandraaravindavijayodyatavaktrabimbe
chaapalyameti nayanaM tava shaishave naH || 1\.31||

tvachchhaishavaM tribhuvanaadbhutamityavaimi
yachchaapalaM cha mama vaagavivaadagamyam.h |
tat.h kiM karomi viraNaanmuraliivilaasa\-
mugdhaM mukhaambujamudiikshatumiikshaNaabhyaam.h || 1\.32||

paryaachitaamR^itarasaani padaarthabhaN^gii\-
phalguuni valgitavishaalavilocananaani |
baalyaadhikaani madavallavabhaavitaani
bhaave luThanti sudR^ishaaM tava jalpitaani || 1\.33||

punaH prasannena mukhendutejasaa
puro.avatiirNasya kR^ipaamahaambudheH |
tadeva liilaamuraliiravaamR^itaM
samaadhivighnaaya kadaa nu me bhavet.h || 1\.34||

bhaavena mugdhachapalena vilokanena
manmaanase kimapi chaapalamudvahantam.h |
lolena lochanarasaayanamiikshaNena
liilaakishoramupaguuhitumutsuko.asmi || 1\.35||

adhiirabimbaadharavibhrameNa
harshhaardraveNusvarasampadaa cha |
anena kenaapi manohareNa
haa hanta haa hanta mano dhunoti || 1\.36||

yaavanna me nikhilamarmadR^iDhaabhighaata\-
nissandhibandhanamudetyasavopataapaH |
taavadvibho bhavatu taavakavaktrachandra\-
chandraatapadviguNitaa mama chittadhaaraa || 1\.37||

yaavanna me naradashaa dashamii dR^isho.api
randhraadudeti timiriikR^itasarvabhaavaa |
laavaNyakelibhavanaM tava taavadetu 
lakshyaaH samut.hkvaNitaveNumukhendubimbam.h || 1\.38||

aalolalochanavilokitakelidhaaraa\-
niiraajitaagrasaraNeH karuNaamburaasheH |
aardraaNi veNuninadaiH pratinaadapuurai\-
raakarNayaami maNinuupurashiJNjitaani || 1\.39||

he deva he dayita he jagadekabandho
ke kR^ishhNa he chapala he karuNaikasindho |
he naatha he ramaNa he nayanaabhiraama
haa haa kadaa nu bhavitaasi padaM dR^ishorme || 1\.40||

amuunyadhanyaani dinaantaraaNi
hare tvadaalokanamantareNa |
anaathibandho karuNaikasindho
haa hanta haa hanta kathaM nayaami || 1\.41||

kimiva shR^iNumaH kasya bruumaH kathaM kR^ithamaashayaa
kathayata kathaaM dhanyaamanyaamaho hR^idayeshayaH |
madhuramadhurasmerakaare manonayotsave 
kR^ipaNakR^ipaNaa kR^ishhNe tR^iNaaM chiraM bata lambate || 1\.42||

aabhyaaM vilocanaabhyaamambujadalalalitalochanaM baalam.h |
dvaabhyaamapi parirabdhuM duure mama hanta daivasamaagrii || 1\.43||

ashraantasmitamaruNaaruNaadharoshhThaM
harshhaardradviguNamanoGYaveNugiitam.h |
vibhraamyadvipulavilochanaardhamugdhaM
viikshishhye tava vadanaambujaM kadaa nu || 1\.44||

liilaayataabhyaaM rasashiitalaabhyaaM
niilaaruNaabhyaaM nayanaambujaabhyaam.h |
aalokayedadbhutavibhramaabhyaaM
baalaH kadaa kaaruNikaH kishoraH || 1\.45||

bahulachikurabhaaraM baddhapiJNchhaavataMsaM
chapalavapalanetraM chaarubimbaadharoshhTham.h |
madhuramR^idulahaasaM mantharodaaraliilaM
mR^igayati nayanaM me mugdhaveshhaM muraareH || 1\.46|| 

 bahulajaladachchhaayaachoraM vilaasabharaalasaM
madashikhishikhaaliilottaMsaM manoGYamukhaambujam.h |
kamapi kamalaapaaN^kodagraprapannajagajjitaM
madhurimapariipaakodrekaM vayaM mR^igayaamahe || 1\.47||

paraamR^ishyaM duure parishadi muniinaaM vrajavadhuu\-
dR^ishaaM dR^ishyaM shashavt.h tribhuvanamanohaarivapushham.h |
anaamR^ishyaM vaachaamanidamudayaanamapi kadaa
dariidR^ishye deva daradalitaniilotpalanibham.h || 1\.48||

liilaananaambujamadhiiramudiikshamaaNaM
narmaaNi veNuvivareshhu niveshayantam.h |
DolaayamaananayanaM nayanaabhiraamaM
devaM kadaa nu dayitaM vyatilokayishhye || 1\.49||

lagnaM muhurmanasi lampaTasaMpradaayi\-
lekhaavilekhanarasaGYamanoGYaveshham.h |
lajjanmR^idusmitamadhusnapitaadharaaMshu\-
raakendulaalitamukhendumukundabaalyam.h || 1\.50||

ahimakarakaranikaramR^idumR^iditalakshmii\-
sarasatarasarasiruhasadR^ishadR^ishi deve |
vrajayuvatiratikalahavijayinijaliilaa\-
madamuditavadanashashimadhurimaNi liiye || 1\.51||

karakamaladaladalitalalitataravaMshii
kalaninadagaladamR^itaghanasarasi deve |
sahajarasabharabharitadarahasitaviithii\-
satatavahadadharamaNImadhurimaNi liiye || 1\.52||

kusumasharasharasamarakupitamadagopii\-
kuchakalashaghusR^iNarasalasadurasi deve |
madalulitamR^iduhasitamushhitashashishobhaa\-
muhuradhikamukhakamalamadhurimaNi liiye || 1\.53||

aanamraamasitabhruvorupachitaamakshiiNapakshmaaN^kure\-
shhvaalolaamanuraagiNornayanayoraardraaM mR^idau jalpite |
aatamraamadharaamR^ite madakalaamamlaanavaMshiirave\-
shhvaashaaste mama lochanaM vrajashishormuurtiM jaganmohiniim.h 
|| 1\.54||

tatkaishoraM tachcha vaktraaravindaM
tatkaaruNyaM te cha liilaakaTaakshaaH |
tatsaundaryaM saa cha mandasmitashriiH 
satyaM satyaM durlabhaM daivateshhu || 1\.55||

vishvopaplavashamanaikabaddhadiikshaM
vishvaasastavakitachetasaaM janaanaam.h |
pashyaamaH pratinavakaantikandalaardraM
pashyaamaH pathi pathi shaishavaM muraareH || 1\.56||

maulishchandrakabhuushhaNaa marakatastambhaabhiraamaM vapu\-
rvaktraM chitravimugdhahaasamadhuraM baale vilole dR^ishau |
vaachashshaishavashiitalaamadagajashlaaghyaa vilaasasthiti\-
rmandaM mandamaye ka eshha mathuraaviithiimito gaahate || 1\.57||

paadau paadavinirjitaambujavanau padmaalayaalaN^kR^itau
paaNii veNuvinodanapraNayinau paryantashilpashriyau |
baahuudohadabhaajanaM mR^igadR^ishaaM maadhuryadhaaraa giro
vaktraM vaagvibhavaatilaN^ghitamaaho baalaM kimetanmahaH || 1\.58||

barhaM naama vibhuushhaNaM bahumataM veshhaaya sheshhairalaM
vaktraM dvitrivisheshhakaantilahariivinyaasadhanyaadharam.h |
shiilairalpadhiyaamagamyavibhavaiH shR^iN^gaarabhaN^giimayaM
chitraM chitramaho vichitratamaho chitraM vichitraM mahaH || 11\.59||

agre samagrayati kaamapi kelilakshmii\-
manyaasu dikshsvapi vilochanameva saakshii |
haa hanta hastapathaduuramaho kimeta\-
daasiit.h kishoramayamamba jaagatrayaM me || 1\.60||

chikuraM bahulaM viralaM bhramaraM
mR^idulaM vachanaM vipulaM nayanam.h |
adharaM madhuraM vadanaM lalitaM
chapalaM charitantu kadaa.anubhave || 1\.61||

paripaalaya naH kR^ipaalayet\-
yasakR^ijjalpitamaatmabaandhabaH |
muralii mR^idulasvanaantare 
vibhuraakarNayitaa kadaa nu naH || 1\.62||

kadaa nu kasyaaM nu vipaddashaayaaM
kaishoragandhiH karuNaambudhirnaH |
vilochanaabhyaaM vipulaayataabhyaaM
vyaalokayishhyan.h vishhayiikaroti || 1\.63||

madhuramadharabimbe maJNjulaM mandahaase
shishiramamR^itavaakye shiitalaM dR^ishhTipaate |
vipulamaruNanetre vishrutaM veNunaade
marakatamaNiniilaM baalamaalokaye nu || 1\.64||

maadhuryaadapi madhuraM manmathataatasya kimapi kishoram.h |
chaapayaadapi chapalaM cheto mama harati hanta kiM kurmaH || 1\.65||

vakshaHsthale cha vipulaM nayanotpale cha
mandasmite cha mR^idulaM madajalpite cha |
bimbaadhare cha madhuraM muraliirave cha
baalaM vilaasanidhimaakalaye kadaa nu || 1\.66||

aardraavalokitadayaapariNaddhanetra\-
maavishhkR^itasmitasudhaamadhuraadharoshhTham.h |
aadyaM pumaaMsamavataMsitabarhibarha\-
maalokayanti kR^itinaH kR^itapuNyapuJNjaaH || 1\.67||

maaraH svayaM nu madhuradyutimaNDalaM nu
maadhuryameva nu manonayanaamR^itaM nu |
vaaNiimR^ijaa nu mama jiivitavallabho nu
baalo.ayamabhyudayate mama lochanaaya || 1\.68||

baalo.ayamaalolavilochanena
vaktreNa citriikR^itadiN^.hmukhena |
veshheNa ghoshhochitabhuushhaNena
mugdhena dugdhe nayanotsukaM naH || 1\.69||

aandolitaagrabhujamaakulanetraliila\-
maardrasmitaardravadanaambujachandrabimbam.h |
shiJNjaanabhuushhaNashataM shikhipiJNchhamauliM
shiitaM vilochanarasaayanamabhyupaiti || 1\.70||

pashupaalapaalaparishhadvibhuushhaNaM
shishureshha shiitalavilolalochanaH |
mR^idulasmitaardravadanendusampadaa
madayanmadiiyahR^idayaM vigaahate || 1\.71||

tadidamupanataM tamaalaniilaM
taralavilochanataarakaabhiraamam.h |
muditamuditavaktrachandrabimbaM
mukharitaveNuvilaasajiivitaM me || 1\.72||

chaapalyasiima chapalaanubhavaikasiima
chaaturyasiima chaturaanaanashilpasiima |
saurabhyasiima sakalaadbhutakelisiima
saubhaagyasiima tadidaM vrajabhaagyasiima || 1\.73||

maaduryeNa dviguNashishiraM vaktrachandraM vahantii
vashiiviithiivigaladamR^itasrotasaa sechayantii |
madvaaNiinaaM viharaNapadaM mattasaubhaagyabhaajaaM
maatpuNyaanaaM pariNatiraho netrayossannidhatte || 1\.74||

tejase.astu namo dhenupaaline lokapaaline |
raadhaapayodharotsaN^gashaayine sheshhashaayine || 1\.75||

dhenupaaladayitaastanasthalii\-
dhanyakuN^kumasanaathakaantaye |
veNugiitagatimuulavedhase 
tejase tadidamoM namo namaH || 1\.76||

mR^idukvaNannuupuramanthareNa
baalena paadaambujapallavena |
anukvaNanmaJNjulaveNugiita\-
maayaati me jiivitamaattakeli || 1\.77||

so.ayaM vilaasamuraliininadaamR^itena
siJNchannudaJNchitamidaM mama karNayugmam.h |
aayaati me nayanabandhurananyabandhu\-
raanandakandalitakelikaTaakshalakshyaH || 1\.78||

duuraadvilokayati vaaraNakhelagaamii
dhaaraakaTaakshabharitena vilochanena |
aaraadupaiti hR^idayaN^gamaveNunaada\-
veNiidughena dashanaavaraNena devaH || 1\.79||

tribhuvanasarasaabhyaaM diiptabhuushhaapadaabhyaaM
dR^ishi dR^ishi shishiraabhyaaM divyaliilaakulaabhyaam.h |
asharaNasharaNaabhyaamadbhutaabhyaaM padaabhyaa\-
mayamayamanukuujadveNuraayaati devaH || 1\.80||

so.ayaM muniindrajanamaanasataapahaarii
so.ayaM madavrajavadhuuvasanaapahaarii |
so.ayaM tR^itiiyabhuvaneshvaaradarpahaarii
so.ayaM madiiyahR^idayaamburuhaapahaarii || 1\.81||

sarvaGYatve cha maugdhye cha saarvabhaumamidaM mama |
nirvishannayanaM tejo nirvaaNapadamashnute || 1\.82||

kR^ishhNaanametatpunaruktashobha\-
mushhNetaraaMshorudayaM mukhendoH |
tR^ishhNaamburaashiM dviguNiikaroti
kR^ishhNaahvayaM kiJNchana jiivitaM me || 1\.83||

tadetadaataamravilochanashrii\-
sambhaavitaasheshhavinamravargam.h |
muhurmuraarermadhuraadharoshhThaM
mukhaambujaM chumbati maanasaM me || 1\.84||

karau sharadudaJNchitaambujavilaasashikshaaguruu
padau vibudhapaadapaprathamapallavollaN^ghinau |
dR^ishau dalitadurmadatribhuvanopamaanashriyau
vilokya suvilochanaamR^itamaho sahachchhaishaavam.h || 1\.85||

aachinvaanamahanyahanyahani saakaaraan.h vihaarakramaa\-
naarundhaanamarundhatiihR^idayamapyaardrasmitaasyashriyaa |
aatanvaanamananyajanmanayanashlaaghyaamanarghyaaM dashaa\-
maamandaM vrajasundariistanataTiisaamraajyamaajjR^imbhate || 1\.86||

samuchchhvasitayauvanaM taralashaishavaalaN^kR^itaM
madachchhuritalochanaM madanamugdhahaasaamR^itam.h |
pratikshaNavilokanaM praNayapiitavashiimukhaM
jagattrayavimohanaM jayati maamakaM jiivitam.h || 1\.87|| 

 chitraM tadetachcharaNaaravindaM
chitraM tadetannayanaaravindM |
chitraM tadetadvadanaaravindaM
chitraM tadetatpunaramba chitram.h || 1\.88||

akhilabhuvanaikabhuushhamadhibhuushhita\-
jaladhiduhitR^ikuchakumbham.h |
vrajayuvatiihaaraavalimarakata\-
naayakamahaamaNiM vande || 1\.89||

kaantaakachagrahaNavigrahabaddhalakshmii\-
khaNDaaN^garaagarasaraJNjitamaJNjulashriiH |
gaNDasthaliimukuramaNDalakhelamaana\-
gharmaaN^kuraM kimapi khelati kR^ishhNatejaH || 1\.90||

imadhuraM madhuraM vapurasya vibho\-
rmadhuraM madhuraM vadanaM madhuram.h |
madhugandhi mR^idasmitametadaho
madhuraM madhuraM madhuraM madhuram.h || 1\.91||

shR^iN^gaararasasarvasvaM shikhipiJNchhavibhuushhaNam.h |
aN^giikR^itanaraakaaramaashraye bhuvanaashrayam.h || 1\.92||

naadyaapi pashyati kadaachana darshanena
chittena chopanishhadaa sudR^ishaaM sahasarm.h |
sa tvaM chiraM nayanayoranayoH padavyaaM
svaamin.h kayaa nu kR^ipayaa mama sannidhatse || 1\.93||

keyaM kaantiH keshava tvanmukhendoH 
ko.ayaM veshhaH ko.api vaachaamabhuumiH |
seyaM so.ayaM svaadutaa maJNjulashriiH 
bhuuyo bhuuyo bhuuyashastaaM namaami || 1\.94||

vadanendu vinirjitashshashii
dashadhaa deva padaM prapadyate |
adhikaaM shriyamashnutetaraaM
tava kaaruNyavijR^imbhitaM kiyat.h || 1\.95||

tatvanmukhaM kathamivaabjasamaanakakshyaM
vaaN^.hmaadhuriibahulaparvakalaasamR^iddham.h |
tat.h kiM bruve kimaparaM bhuvanaikakaantaM
yasya tvadaananasamaa sushhamaa sadaa syaat.h || 1\.96||

shushruushhase yadi vacaH shR^iNu maamakiinaM
puurvairapuurvakavibhirna kaTaakshitaM yat.h |
niiraajanakramadhuraM bhavadaananendoH 
nirvyaajamarhati chiraayaa shashipradiipaH || 1\.97||

akhaNDanirvaaNarasapravaahai\-
rvikhaNDitaasheshharasaantaraaNi |
ayantritoddhaantasudhaarNavaani
jayanti shiitaani tava smitaani || 1\.98||

kaamaM santu sahasrashaH katipaye svaarasyadhaureyakaaH
kaamaM vaa kamaniiyataapariNatisvaaraajyabaddhavrataaH |
tairnaivaM vivadaamahe na cha vayaM deva priyaM bruumahe
yatsatyaM ramaNiiyataapariNatistvayyeva paaraMgataa || 1\.99||

mandaaramuule madanaabhiraamaM
bimbaadharaapuuritaveNunaadam.h |
gogopagopiijanamadhyasaMsthaM 
gopaM bhaje gokulapuurNachandram.h || 1\.100||

galad.hvriiDaa lolaa madanavanitaa gopavanitaa
madhusphiitaM giitaM kimapi madhuraa chaapaladhuraaH |
samujjR^imbhaa gumbhaa madhurimagiraaM maadR^ishagiraaM
tvayi sthaane jaate dadhati chapalaM janma cha phalam.h || 1\.101||

bhuvanaM bhavanaM vilaasinii shrii\-
stanayastaamarasaasanaH smarashcha |
parichaaraparamparaaH surendraa\-
stapadi tvachcharitaM vibho vichitram.h || 1\.102||

devastrilokasaubhaagyakastuuriitilakaaN^kuraH |
jiiyaad.h vrajaaN^ganaanaN^gakeliilalitavibhramaH || 1\.103||

premadaM cha me kaamadaM cha me
vedanaM cha me vaibhavaM cha me |
jiivanaM cha me jiivitaM cha me 
daivataM cha me deva naaparam.h || 1\.104||

maadhuryeNa vijR^imbhantaaM vaacho nastava vaibhave |
chaapalyeNa vivardhantaaM chintaa nastava shaishave || 1\.105||

yaani tvachcharitaamR^itaani rasanaalehyaani dhanyaatmanaaM
ye vaa chaapalashaishavavyatikaraa raadhaaparaadhonmukhaaH |
yaa vaa bhaavitaveNugiitagatayo liilaamukhaambhoruhe
dhaaraavaahikayaa vahantu hR^idaye taanyeva taanyeva me || 1\.106||

bhaktistvayi sthirataraa bhagavan.h yadi syaa\-
ddaivena naH phalitadivyakishoraveshhe |
muktiH svayaM mukulitaaJNjali sevate.asmaan.h
dharmaarthakaamagatayaH samayapradiikshaaH || 1\.107||

jaya jaya jaya deva deva deva
tribhuvanamaN^galadivyanaamadheya |
jaya jaya jaya baalakR^ishhNadeva
shravaNamanonayanaamR^itaavataara || 1\.108||

tubhyaM nirbharaharshhavarshhavivashaaveshasphuTaavirbhava\-
dbhuuyashchaapalabhuushhiteshhu sukR^itaaM bhaaveshhu nirbhaasate |
shriimadgokulamaNDanaaya mahate vaachaaM viduurasphuTa\-
nmaadhuryaikarasaarNavaaya mahase kasmai chidasmai namaH || 1\.109||

iishaanadeva charaNaabharaNena niivii\-
daamodarasthirayashaH stabakodgamena |
liilaashukena rachitaM tava deva kR^ishhNa\-
karNaamR^itaM vahatu kalpashataantare.api || 1\.110||
\bigskip
\centerline{|| iti shriikR^ishhNakarNaamR^ite prathamaashvaasaH samaaptaH ||}
\bigskip
\newpage
 
\centerline{|| dvitiiyaashvaasaH||}
\bigskip
abhinavanavaniitasnigdhamaapiitadigdhaM
dadhikaNaparidigdhaM mugdhamaN^kaM muraareH |
dishatu bhuvanakR^icchhracchhedi taapiJNchhagucchha\-
cchhavi navashikhipiJNchhaa laaJNchhitaM vaaJNchhitaM naH || 2\.1||

yaaM dR^ishhTvaa yamunaaM pipaasuranishaM vyuuho gavaaM gaahate
vidyutvaaniti niilakaNThanivaho yaaM drashhTumutkaNThate |
uttaMsaaya tamaalapallavamiti cchhindanti yaaM gopikaaH 
kantiH kaaliyashaasanasya vapushhaH saa paavanii paatu naH || 2\.2||

devaH paayaatpayasi vimale yaamune majjatiinaaM
yaacantiinaamanunayapadairvaJNcitaanyaMshukaani |
lajjaalolairalasavilasairunmishhatpaJNcabaaNai\-
rgopastriiNaaM nayanakusumairarcitaH keshavo noH || 2\.3||

maatarnaataH paramanucitaM yatkhalaanaaM purastaa\-
dastaashaN^kaM jaTharapiThariipuurtaye nartitaasi |
tatkshantavyaM sahajasarale vatsale vaaNi kuryaaM
praayashcittaM guNagaNanayaa gopaveshhasya vishhNoH || 2\.4||

aN^gulyagrairaruNakiraNairmuktasaMruddharandhraM
vaaraM vaaraM vadanamarutaa veNumaapuurayantam.h |
vyatyastaaN^ghriM vikacakamalacchhaayavistaaranetraM
vande vR^indaavanasucaritaM nandagopaalasuunum.h || 2\.5||

mandaM mandaM madhuraninadairveNumaapuurayantaM
bR^indaM bR^indaavanabhuvi gavaaM caarayantaM carantam.h |
chhandobhage shatamakhamukhadhvaMsinaaM daanavaanaaM
hantaaraM taM kathaya rasane gopakanyaabhujaN^gam.h || 2\.6||

veNiimuule viracitaghanashyaamapiJNchhaavacuuDo
vidyullekhaavalayita iva snigdhapiitaambareNa |
maamaaliN^ganmarakatamaNistambhagaMbhiirabaahuH
svapne dR^ishhTastaruNatulasiibhuushhaNo niilameghaH || 2\.7||

kR^ishhNe hR^itvaa vasananicayaM kuulakuJNjaadhiruuDhe
mugdhaa kaacinmuhuranunayaiH kinviti vyaaharantii |
sabhruubhaN^gaM sadarahasitaM satrapaM saanuraagaM
chhaayaashaureH karatalagataanyambaraaNyaacakarshha || 2\.8||

api janushhi parasminnaattapuNyo bhaveyaM
taTabhuvi yamunaayaastaadR^isho vaMshanaalaH |
anubhavati ya eshhaH shriimadaabhiirasuuno\-
radharamaNisamiipanyaasadhanyaamavasthaam.h || 2\.9||

ayi parichinuH cetaH praatarambhojanetraM
kabarakalitacaJNcatpiJNchhadaamaabhiraamam.h |
valabhidupalaniilaM vallaviibhaagadheyaM
nikhilanigamavalliimuulakandaM mukundam.h || 2\.10|

ayi murali mukundasmeravaktraaravinda\-
shvasanamadhurasaGYe tvaaM praNamyaadya yaace |
adharamaNisamiipaM praaptavatyaaM bhavatyaaM
kathaya rahasi karNe maddashaaM nandasuunoH || 2\.11|

sajalajaladaniilaM vallaviikelilolaM
shritasuratarumuulaM vidyudullaasicelam.h |
suraripukulakaalaM sanmanobimbaliilaM
natasuramunijaalaM naumi gopaalabaalam.h || 2\.12||

adharabimbaviDambitavidrumaM
madhuraveNuninaadavinodinam.h |
kamalakomalakamramukhaambujaM
kamapi gopakumaaramupaasmahe || 2\.13||

adhare viniveshya vaMshanaalaM
vivaraaNyasya saliilamaN^guliibhiH |
muhurantarayanmuhurvivarNan.h 
madhuraM gaayati maadhavo vanaante || 2\.14||

vadane navaniitagandhavaahaM
vacane taskaracaaturiidhuriiNam.h |
nayane kuhunaashrumaashrayethaa\-
shcaraNe komalataaNDavaM kumaaram.h || 2\.15||

amunaakhilagopagopanaarthaM
yamunaarodhasi nandanandanena |
damunaa vanasambhavaH pape naH 
kimu naasau sharaNaarthinaaM sharaNyaH || 2\.16||

jagadaadaraNiiyajaarabhaavaM
jalajaapatyavacovicaaragamyam.h |
tanutaaM tanutaaM shivetaraaNaaM
suranaathopalasundaraM maho naH || 2\.17||

yaa shekhare shrutigiraaM hR^idi yogabhaajaaM
paadaambuje ca sulabhaa vrajasundariiNaam.h | 
saa kaa.api sarvajagataamabhiraamasiimaa
kaamaaya no bhavatu gopakishoramuurtiH || 2\.18||

atyantabaalamatasiikusumaprakaashaM
digvaasasaM kanakabhuushhaNabhuushhitaaN^gam.h |
visrastakeshamaruNaadharamaayataakshaM
kR^ishhNaM namaami manasaa vasudevasuunum.h || 2\.19||

hastaaN^ghrinikvaNitakaN^kaNakiN^kiNiikaM
madhye nitambamavalambitahemasuutram.h |
muktaakalaapamukuliikR^itakaakapakshaM
vandaamahe vrajavaraM vasudevabhaagyam.h || 2\.20||

bR^indaavanadrumataleshhu gavaaM gaNeshhu
vedaavasaanasamayeshhu ca dR^ishyate yat.h |
tadveNunaadanaparaM shikhipiJNchhacuuDaM
brahma smaraami kamalekshaNamabhraniilam.h || 2\.21||

vyatyastapaadamavataMsitabarhibarhaM
saaciikR^itaanananiveshitaveNurandhram.h |
tejaH paraM paramakaaruNikaM purastaat.h
praaNaprayaaNasamaye mama sannidhattaam.h || 2\.22||

ghoshhapraghoshhashamanaaya mathoguNena
madhye babandha jananii navaniitacoram.h |
tadbandhanaM trijagataamudaraashrayaaNaa\-
maakroshakaaraNamaho nitaraaM babhuuva || 2\.23||

shaivaa vayaM na khalu tatra vicaaraNiiyaM
paJNcaakshariijapaparaa nitaraaM tathaapi |
ceto madiiyamatasiikusumaavabhaasaM
smeraanana smarati gopavadhuukishoram.h || 2\.24||

raadhaa punaatu jagadacyutadattacittaa
manthaanamaakalayatii dadhiriktapaatre |
tasyaaH stanastabakacaJNcalaloladR^ishhTi\-
rdevo.api dohanadhiyaa vR^ishhabhaM nirundhan.h || 2\.25||

godhuulidhuusaritakomalakuntalaagraM
govardhanoddharaNakelikR^itaprayaasam.h |
gopiijanasya kucakuN^kumamudritaaN^gaM
govindaminduvadanaM sharaNaM bhajaamaH || 2\.26||

yadromarandhraparipuurtividhaavadakshaa
vaaraahajanmani babhuuvuramii samudraaH |
taM naama naathamaravindadR^ishaM yashodaa
paaNidvayaantarajalaiH snapayaaM babhuuva || 2\.27||

 varamimamupadeshamaadriyadhvaM
nigamavaneshhu nitaantacaarakhinnaH |
vicinuta bhavaneshhu vallaviinaa\-
mupanishhadarthamuluukhale nibaddham.h || 2\.28||

devakiitanayapuujanapuutaH 
puutanaaricaraNodakadhautaH |
yadyahaM smR^itadhanaJNjayasuutaH 
kiM karishhyati sa me yamaduutaH || 2\.29||

bhaasataaM bhavabhayaikabheshhajaM
maanase mama muhurmuhurmuhuH |
gopaveshhamupasedushhassvayaM
yaapi kaapi ramaNiiyataa vibhoH || 2\.30||

karNalambitakadambamaJNjarii
kesaraaruNakapolamaNDalam.h |
nirmalaM nigamavaagagocaraM
niilamaanamavalokayaamahe || 2\.31||

saaci saJNcalitalocanotpalaM
saamikuDmalitakomalaadharam.h |
vegavalgitakaraaN^guliimukhaM
veNunaadarasikaM bhajaamahe || 2\.32||

syandane garuDamaNDitadhvaje 
kuNDineshatanayaadhiropitaa |
kenacinnavatamaalapallava\-
shyaamalena purushheNa niiyate || 2\.33||

maa yaata paanthaaH pathi bhiimarathyaa
digaMbaraH ko.api tamaalaniilaH |
vinyastahasto.api nitambabimbe
dhuurtassamaakarshhitacittavittam.h || 2\.34||

aN^ganaamaN6ganaamantare maadhavo
maadhavaM maadhavaM caantareNaaN^ganaa |
ithamaakalpite maNDale madhyagaH 
saJNjagau veNunaa devakiinandanaH || 2\.35||

kekikekaadR^itaanekapaN^keruhaa\-
liinahaMsaavaliihR^idyataa hR^idyataa |
kaMsavaMshaaTaviidaahadaavaanalaH 
saJNjagau veNunaa devakiinandanaH | 2\.36||

kvaapi viiNaabhiraaraaviNaa kampitaH 
kvaapi viiNaabhiraakiN^kiNiinartitaH |
kvaapi viiNaabhiraamantaraM gaapitaH 
saJNjagau veNunaa devakiinandanaH | 2\.37||

caarucandraavaliilocanaishcumbito
gopagobR^indagopaalikaavallabhaH |
vallaviibR^indabR^indaarakaH kaamukaH 
saJNjagau veNunaa devakiinandanaH | 2\.38||

maulimaalaamilanmattabhR^iN^giilataa\-
bhiitabhiitapriyaavibhramaaliN^gitaH |
srastagopiikucaabhogasammelitaH 
saJNjagau veNunaa devakiinandanaH | 2\.39||

caarucaamiikaraabhaasabhaamaavibhu\-
rvaijayantiilataavaasitoraHsthalaH |
nandabR^indaavane vaasitaamadhyagaH 
saJNjagau veNunaa devakiinandanaH | 2\.40||

baalikaataalikaataalaliilaalayaa\-
saN^gasandarshitabhruulataavibhramaH |
gopikaagiitadattaavadhaanassvayaM
saJNjagau veNunaa devakiinandanaH | 2\.41||

paarijaataM samuddhR^itya raadhaavaro
ropayaamaasa bhaamaagR^ihasyaaN^kaNe |
shiitashiite vaTe yaamuniiye taTe
saJNjagau veNunaa devakiinandanaH | 2\.42||

agre diirghataro.ayamarjunatarustasyaagrato vartmanii
saa ghoshhaM samupaiti tatparisare deshe kalindaatmajaa |
tasyaastiiratamalakaananatale cakraM gavaaM caarayan.h
gopaH kriiDati darshayishhyati sakhe panthaanamavyaahR^itam.h || 2\.43||

godhuulidhuusaritakomalagopaveshhaM
gopaalabaalakashatairanugamyamaanam.h |
saayantane pratigR^ihaM pashubandhanaarthaM
gacchhantamacyutashishuM praNato.asmi nityam.h || 2\.44||

nidhiM laavaNyaanaaM nikhilajagadaashcaryanilayaM
nijaavaasaM bhaasaaM niravadhikanishshreyasarasam.h |
sudhaadhaaraasaaraM sukR^itaparipaakaM mR^igadR^ishaaM
prapadye maaN^galyaM prathamamadhidaivaM kR^itadhiyaam.h || 2\.45||

aataamrapaaNikamalapraNayapratoda\-
maalolahaaramaNikuNDalahemasuutram.h |
aavishramaambukaNamambudaniilamavyaa\-
daadyaM dhanaJNjayarathaabharaNaM maho naH || 2\.46||

nakhaniyamitakaNDuun.h paaNDavasyandanaashvaa\-
nanudinamabhishhiJNcannaJNjalisthaiH payobhiH |
avatu vitatagaatrastotranishhThyuutamauli\-
rdashanavidhR^itarashmirdevakiipuNyaraashiH || 2\.47||

vrajayuvatisahaaye yauvanollaasikaaye
sakalashubhavilaase kundamandaarahaase |
nivasatu mama cittaM tatpadaayattavR^ittaM
munisarasijabhaanau nandagopaalasuunau || 2\.48||

araNyaaniimaardrasmitamadhurabimbaadharasudhaa
saraNyaasaMkraantaissapadi madayan.h veNuninadaiH |
dharaNyaa saanandotpulakamupaguuDhaaN^ghrikamalaH 
sharaNyaanaamaadyass jayatu shariirii madhurimaa || 2\.49||

vidagdhagopaalavilaasiniinaaM
saMbhogacihnaaN^kitasarvagaatram.h |
pavitramaamnaayagiraamagamyam
brahma prapadye navaniitacoram.h || 2\.50||

antargR^ihe kR^ishhNamavekshya coram
baddhvaa kavaaTaM jananiiM gataikaa |
uluukhale daamanibaddhamenaM
tatraapi dR^ishhTvaa stimitaa babhuuva || 2\.51||

ratnasthale jaanucaraH kumaaraH
saN^kraantamaatmiiyamukhaaravindam.h |
aadaatu laabhastadalaabhakhedaa\-
dvilokya dhaatriivadanaM ruroda || 2\.52||

aanandena yashodayaa samadanaM gopaaN^ganaabhishchiraM
saashaN^kaM balavidvishhaa sakusumaiH siddhaiH pR^ithivyaakulam.h |
sershhyaM gopakumaarakaissakaruNaM paurairjanaiH saasmataM
yo dR^ishhTaH sa punaatu no muraripuH protkshiptagovardhanaH || 2\.53||

upaasataamaatmavidaH puraaNaaH
paraM pumaaMsaM  nihitaM guhaayaam.h |
vayaM yashodaashishubaalaliilaa\-
kathaasudhaasindhushhu liilayaamaH || 2\.54||

vikretukaamaa kila gopakanyaa
muraaripaadaarpitacittavR^ittiH |
dadhyaadikaM mohavashaadavoca\-
dgovinda daamodara maadhaveti || 2\.55||

uluukhalaM vaa yaminaaM mano vaa
gopaaN^ganaanaaM kucakuTmalaM vaa |
muraarinaamnaH kalabhasya nuuna\-
maalaanamaasiit.h trayameva bhuumau || 2\.56||

karaaravindena padaaravindaM
mukhaaravinde viniveshayantam.h |
vaTasya patrasya puTe shayaanaM
baalaM mukundaM manasaa smaraami || 2\.57||

shambho svaagatamaasyataamita ito vaamena padmaasana
krauJNcaare kushalaM sukhaM surapate vittesha no dR^ishyase |
itthaM svapnagatasya kaiTabhajitashshrutvaa yashodaa giraH
kiM kiM baalaka jalpasiiti racitaM dhuudhuukR^itaM paatu naH || 2\.58||

maataH kiM yathunaatha dehi cashhakaM kiM tena paatuM paya\-
stannaastyadya kadaasti vaa nishi nishaa kaa vaa.andhakaarodaye |
aamiilyaakshiyugaM nishaapyupagataa dehiiti maaturmuhu\-
rvakshojaaMshukakarshhaNodyatakaraH kR^ishhNasya pushhNaatu naH || 2\.59||

kaalindiipulinodareshhu musalii yaavadgataH khelituM
taavatkaarparikaM payaH piba hare vardhishhyate te shikhaa |
itthaM baalatayaa prataaraNaparaaH shR^itvaa yashodaagiraH
paayaannassvashikhaaM spR^ishan.h pramuditaH kshiire.ardhapiite hariH || 2\.60||

kailaase navaniitati kshitiriyaM paarjagdhamR^illoshhTati
kshiirodo.api nipiitadugdhati lasat.h smere praphulle mukhe |
maatraa.ajiirNadhiyaa dR^iDhaM cakitayaa nashhTaa.asmi dR^ishhTaaH kayaa
dhuudhuu vatsaka jiiva jiiva ciramityukto.avataanno hariH || 2\.61||

kiJNcitkuJNcitalocanasya pibataH paryaayapiitastanaM
sadyaH prasnutadugdhabindumaparaM hastena sammaarjataH |
maatraikaaN^gulilaalitasya cubuke smeraananasyaadhare 
shaureH kshiiNakaNaanvitaa nipatitaa dantadyutiH paatu naH || 2\.62||

uttuN^gastanamaNDaloparilasatpraalambamuktaamaNe\-
rantarbimbitamindraniilanikaracchhaayaanukaaridyuteH |
lajjaavyaajamupetya namravadanaa spashhTaM muraarervapuH 
pashyantii muditaa mudo.astu bhavataaM lakshmiirvivaahotsave || 2\.63||

kR^ishhNenaamba gatena rantumadhunaa mR^idbhakshitaa svecchhayaa
tatthaM kR^ishhNa ka evamaaha musalii mithyaamba pashyaananam.h |
vyaadehiiti vidaarite shishumukhe dR^ishhTvaa samastaM jagat.h
maataa yasya jagaama vismayapadaM paayaat.h sa naH keshavaH || 2\.64||

svaatii sapatnii kila taarakaaNaaM
muktaaphalaanaaM jananiiti roshhaat.h |
saa rohiNii niilamasuuta ratnaM
kR^itaaspadaM gopavadhuukuceshhu || 2\.65||

nR^ityantamatyantavilokaniiyaM
kR^ishhNaM maNisthambhagataM mR^igaakshii |
niriikshya saakshaadiva kR^ishhNamagre
dvidhaa vitene navaniitamekam.h || 2\.66||

vatsa jaagR^ihi vibhaatamaagataM
jiiva kR^ishhNa sharadaaM shataM shatam.h |
ityudiirya suciraM yashodayaa
dR^ishyamanavadanaM bhajaamahe || 2\.67||

oshhThaM jighran.h shishuriti dhiyaa cumbito vallaviibhiH 
kaNThaM gR^ihNannaruNitapadaM gaaDhamaaliN^gitaaN^gaH |
doshhNaa lajjaapadamabhimR^ishannaN^kamaaropitaatmaa
dhuurtasvaamii haratu duritaM duurato baalakR^ishhNaH || 2\.68||

ete lakshmaNa jaanakiivirahitaM maaM khedayantyambudaa
marmaaNiiva ca ghaTTayantyalamamii kruuraH kadambaanilaH |
itthaM vyahR^itapuurvajanmacaritaM yo raadhayaa viikshitaH 
sershhyaM shaN^kitayaa sa nassukhayatu svapnaayamaano hariH || 2\.69||

oshhThaM muJNca hare bibhemi bhavataa paanairhataa puutanaa
kaNThaashleshhamamuM jahiihi dalitaavaaliN^ganenaarjunau |
maa dehi cchhuritaM hiraNyakashipurniito nakhaiH paJNcataa\-
mitthaM vaaritaraatrikeliravataallakshmyaapahaasaaddhariH || 2\.70||

raamo naama babhuuva huM tadabalaa siiteti huM tau pitu\-
rvaacaa paJNcavaTiitaTe viharatastaamaaharadraavaNaH |
nidraarthaM jananii kathaamiti harerhuN^kaarataH shR^iNvataH
saumitre kva dhanurdhanurdhanuriti vyagraa giraH paatu naH || 2\.71||

baalo.api shailoddharaNaagrapaaNi\-
rniilo.api niirandhratamaH pradiipaH |
dhiiro.api raadhaanayanaavabaddho
jaaro.api saMsaaraharaH kutastvam.h || 2\.72||

baalaaya niilavapushhe navakiN^kiNiika\-
jaalaabhiraamajaghanaaya digambaraaya |
shaarduuladivyanakhabhuushhaNabhuushhitaaya
nandaatmajaaya navaniitamushhe namaste || 2\.73||

paaNau paayasabhaktamaahitarasaM vibhranmudaa dakshiNe
savye shaaradacandramaNDalanibhaM havyaMgaviinaM dadhat.h |
kaNThe kalpitapuNDariikanakhamapyuddaamadiiptiM vahan.h
devo divyadigambaro dishatu nassaukhyaM yashodaashishuH || 2\.74||

kiN^kiNikiNikiNirabhasai\-
raN^gaNabhuvi riN^khaNaiH sadaa.aTantam.h |
kuN^kuNukuNupadayugalaM
kaN^kaNakarabhuushhaNaM hariM vande || 2\.75||

sambaadhe surabhiiNaamambaamaayaasayantamanuyaantiim.h |
lambaalakamavalambe taM baalaM tanuvilagnajambaalam.h || 2\.76||

aJNcitapiJNchhaacuuDaM saJNcitasaujanyavallaviivalayam.h |
adharamaNinihitaveNuM baalaM gopaalamanishamavalambe || 2\.77||

prahlaadabhaagadeyaM nigamamahaadrerguhaantaraadheyam.h |
naraharipadaabhidheyaM vibudhavidheyaM mamaanusaMdheyam.h || 2\.78||

saMsaare kiM saaraM kaMsaareshcaraNakamalaparibhaajanam.h |
jyotiH kimandhakaare yadantakaareranusmaraNam.h || 2\.79||

kalashanavaniitacore kamalaadR^ikkumudacandrikaapuure |
viharatu nandakumaare ceto mama gopasundariijaare || 2\.80||

kastvaM baala balaanujaH kimiha te manmandiraashaN^kayaa
yuktaM tannavaniitapaatravivare hastaM kimarthaM nyaseH |
maataH kaJNcana vatsakaM mR^igayituM maa gaa vishhaadaM kshaNaa\-
dityevaM varavallaviiprativacaH kR^ishhNasya pushhNaatu naH || 2\.81||

gopaalaajirakardame viharase vipraadhvare lajjase
bruushhe gokulahuN^kR^itaiH stutishatairmaunaM vidhatse vidaam.h |
daasyaM gokulapuMshcaliishhu kurushhe svaayaM na daantatmasu
GYaataM kR^ishhNa tavaaN^ghripaN^kajayugaM premNaacalaM maJNjulam.h || 2\.82||

namastasmai yashodaayaa daayaadaayaastu tejase |
yaddhi raadhaamukhaambhojaM bhojaM bhojaM vyavardhata || 2\.83||

avataaraaH santvanye sarasijanayanasya sarvatobhadraaH |
kR^ishhNaadanyaH ko vaa prabhavati gogopagopikaamuktaiH || 2\.84||

madhye gokulamaNDalaM pratidishaM caambaaravojjR^imbhite
praatardohamahotsave navaghanashyamaM raNannuupuram.h |
phaale baalavibhuushhaNaM kaTiraNatsatkiN^kiNiimekhalaM
kaNThe vyaaghranakhaM ca shaishavakalaakalyaaNakaartsnyaM bhaje || 2\.85||

sajalajaladhaniilaM darshitodaaraliilaM
karataladhR^itashailaM veNunaadairasaalam.h |
vrajajanakulapaalaM kaaminiikelilolaM
kalitalalitamaalaM naumi gopaalabaalam.h || 2\.86||

smitalalitakapolaM snigdhasaN^giitalolaM
lalitacikurajaalaM cauryacaaturyaliilam.h |
shatamakharipukaalaM shaatakumbhaabhacelaM
kuvalayadalaniilaM naumi gopaalapaalam.h || 2\.87||

muralininadalolaM mugdhamaayuuracuuDaM
dalitadanujajaalaM dhanyasaujanyaliilam.h |
parahitanavahelaM padmasadmaanukuulaM
navajaladharaniilaM naumi gopaalapaalam.h || 2\.88||

sarasaguNanikaayaM saccidaanandakaayaM
shamitasakalamaayaM satyalakshmiisahaayam.h |
shamadamasamudaayaM shaantasarvaantaraayaM
suhR^idayajanadaayaM naumi gopaalapaalam.h || 2\.89||

lakshmiikalatraM lalitaabjanetraM
puurNenduvaktraM puruhuutamitram.h |
kaaruNyapaatraM kamaniiyagaatraM
vande pavitraM vasudevaputram.h || 2\.90||

madamayamadamayaduragaM
yamunaamavatiirya viiryashaalii yaH |
mama ratimamaratiraskR^iti\-
shamanaparassa kriyaat.h kR^ishhNaH || 2\.91||

maulau maayuurabarhaM mR^igamadatilakaM caaru laalaaTapaTTe
karNadvandve ca taaliidalamatimR^idulaM mauktikaM naasikaayaam.h |
haaro mandaaramaalaaparimalabharite kaustubhasyopakaNThe
paaNau veNushca yasya vrajayuvatiyutaH paatu piitaambaro naH 
|| 2\.92||

muraariNaa vaarivihaarakaale
mR^igekshaNaaM mushhitaaMshukaanaam.h |
karadvayaM vaa kacasaMhatirvaa
pramiilanaM vaa paridhaanamaasiit.h || 2\.93||

yaasaaM gopaaN^ganaanaaM lasadasitataraalolaliilaakaTaakshaa
yannaasaa caaru muktaamaNirucinikaravyomagaN^gaapravaahe |
miinaayante.api taasaamatirabhasacalaccaaruniilaalakaantaa  
bhR^iN^gaayante yadaN^ghridvayasarasiruhe paatu piitaambaro naH || 2\.94||

yadveNuushreNiruupasthitasushhiramukhodgiirNanaadaprabhinnaa
eNaakshyastatkshaNena truTitanijapatipremabandhaa babhuuvuH ||
astavyastaalakaantaaH sphuradadharakucadvandvanaabhipradeshaaH 
kaamaaveshaprakarshhaprakaTitapulakaaH paatu piitambaro naH || 2\.95||

devakyaa jaTharaakare samuditaH kriito gavaaM paalinaa
nandenaanakadundubhernijasutaapaNyena puNyaatmanaa |
gopaalaavalimugdhahaarataralo gopiijanaalaN^kR^itiH 
stheyaanno hR^idi santataM sumadhuraH ko.apiindraniilo maNiH || 2\.96||

piiThe piiThanishhaNNabaalakagale tishhThan.h sa gopaalako
yantaantaHsthitadugdhabhaaNDamapakR^ishhyaacchhaadya ghaNTaaravam.h |
vaktropaantakR^itaaJNjaliH kR^itashiraH kampaM piban.h yaH payaH
paayaadaagatagopikaanayanayorgaNDuushhaphuutkaarakR^it.h || 2\.97||

yaGYairiijimahe dhanaM dadimahe paatreshhu nuunaM vayaM
vR^iddhaan.h bhejimahe tapashcakR^imahe janmaantare dushcaram.h |
yenaasmaakamabhuudananyasulabhaa bhaktirbhavadveshhiNii
caaNuuradvishhi bhaktakalmashhamushhi shreyaHpushhi shriijushhi || 2\.98||

tvayi prasanne mama kiM guNena
tvayyaprasanne mama kim guNena |
rakte virakte ca vare vadhuunaaM
nirarthakaH kuN^kumapatrabhaN^gaH || 2\.99||

gaayanti kshaNadaavasaanasamaye saanandaminduprabhaa
rundhantyo nijadantakaantinivahairgopaaN^ganaa gokule |
mathnantyo dadhi paaNikaN^kaNajhaNatkaaraanukaaraM javaad.h
vyaavalgadvasanaaJNjalaa yamanishaM piitaambaro.avyaatsa naH || 2\.100||

aMsaalambitavaamakuNDalabharaM mandonnatabhruulataM
kiJNcitkuJNcitakomalaadharapuTaM saaci prasaarekshaNam.h |
aalolaaN^gulipallavairmuralikaamaapuurayantaM mudaa
muule kalpatarostribhaN^gilalitaM  jaane jaganmohanam  || 2\.101||

mallaishshailendrakalpaH shishuritajanaiH pushhpacaapo.aN^ganaabhi\-
rgopaistu praakR^itaatmaa divikulishabhR^itaa vishvakaayo.aprameyaH |
kruddhaH kaMsena kaalo bhayacakitadR^ishaa yogibhirdhyeyamuurtiH
dR^ishhTo raN^gaavataare hariramaragaNaanandakR^it.h paatu yushhmaan.h || 2\.102||

saMvishhTo maNivishhTare.aN^katalamadhyaasiina lakshmii mukhe
kastuuriitilakaM mudaa viracayan.h harshhaatkucau saMspR^ishan.h |
anyonyasmitacandrikaakisalayairaaraadhayanmanmathaM
gopiigopaparivR^ito yadupatiH paayaaJNjaganmohanaH || 2\.103||

aakR^ishhTe vasanaaJNcale kuvalayashyaamaa trapaadhaHkR^itaa
dR^ishhTiH saMvalitaa rucaa kucayuge svarNaprabhe shriimati |
baalaH kashcana cuutapallava iti praantasmitaasyashriyaM
shlishhyaMstaamatha rukmiNiiM natamukhiiM kR^ishhNassa pushhNaatu naH || 2\.104||

urvyaaM ko.api mahiidharo laghutaro dorbhyaaM dhR^ito liilayaa
tena tvaM divi bhuutale ca satataM govardhanoddhaarakaH |
tvaaM trailokyadharaM vahaami kucayoragre na tadgaNyate
kiM vaa keshava bhaashhaNena bahunaa puNyairyasho labhyate || 2\.105||

sandhyaavandana bhadramastu bhavato bhoH snaana tubhyaM namo
bho devaaH pitarashca tarpaNavidhau naahaM kshamaH kshamyataam.h |
yatra kvaapi nishhiidya yaadavakulottaMsasya kaMsadvishhaH 
smaaraM smaaramaghaM haraami tadalaM manye kimanyena me || 2\.106||

he gopaalaka he kR^ipaajalanidhe he sindhukanyaapate
he kaMsaantaka he gajendrakaruNaapaariiNa he maadhava |
he raamaanuja he jagatrayaguro he puNDariikaaksha maaM
he gopiijananaatha paalaya paraM jaanaamina tvaaM vinaa || 2\.107||

kastuuriitilakaM lalaaTaphalake vakshaHsthale kaustubhaM
naasaagre navamauktikaM karatale veNuM kare kaN^kaNam.h |
sarvaaN^ge haricandanaM ca kalayan.h kaNThe ca muktaavaliM
gopastriipariveshhTito vijayate gopaalacuuDaamaNiH || 2\.108||

lokaanunmadayan.h shrutiirmukharayan.h shroNiiruhaanharshhayan.h
shailaanvidravayan.h mR^igaanvivashayan.h gobR^indamaanandayan.h |
gopaan.h saMbhramayan.h muniinmukulayan.h saptasvaraan.h jR^imbhayan.h
oMkaaraarthamudiirayan.h vijayate vaMshiininaadashshishoH || 2\.109||
\bigskip

\centerline{|| iti shriikR^ishhNakarNaamR^ite dvitiiyaashvaasaH samaaptaH ||}
\bigskip

\centerline{|| tR^itiiyaashvaasaH ||}
\bigskip
asti svastyayanaM samastajagataamabhyastalakshmiistanaM
vastu dhvastarajastamobhiranishaM nyastaM purastaadiva |
hastodastagiriindramastakataruprastaaravistaarita\-
srastasvastarusuunasaMstaralasatprastaavi raadhaastutam.h || 3\.1||

raadhaaraadhitavibhramaadbhutarasaM laavaNyaratnaakaraM
saadhaaraNyapadavyatiitasahajasmeraananaambhoruham.h |
aalambe hariniilagarvagurutaasarvasvanirvaapaNaM
baalaM vaiNavikaM vimugdhamadhuraM muurdhaabhishhiktaM mahaH || 3\.2||

kariNaamalabhyagativaibhavaM bhaje
karuNaavalambitakishoravigraham.h |
yaminaamanaaratavihaari maanase
yamunaavanaantarasikaM paraM mahaH || 3\.3||

atantritatrijagadapi vrajaaN^ganaa\-
niyantritaM vipulavilocanaaGYayaa |
nirantaraM mama hR^idaye vijjR^imbhataaM
samantataH sarasataraM paraM mahaH || 3\.4||

kandarpapratimallakaantivibhavaM kaadambiniibaandhavaM
bR^indaaraNyavilaasiniivyasaninaM veshheNa bhuushhaamayam.h |
mandasmeramukhaambujaM madhurimavyaamR^ishhTabimbaadharaM
vande kandalitaardrayauvanavanaM kaishorakaM shaarN^giNaH || 3\.5||

aamuktamaanushhamamuktanijaanubhaava\-
maaruuDhayauvanamaguuDhavidagdhaliilam.h |
aamR^ishhTayauvanamanashhTakishorabhaava\-
madyaM mahaH kimapi maadyati maanase me || 3\.6||

te te bhaavassakalajagadiilobhaniiyaprabhaavaaH
naanaatR^ishhNaasuhR^idi hR^idi me kaamamaavirbhavantu |
viiNaaveNukvaNitalasitasmeravaktraaravindaa\-
nnaahaM jaane madhuramaparaM nandapuNyaamburaasheH || 3\.7||

sukR^itibhiraadR^itte sarasaveNuninaadasudhaa\-
rasalahariivihaaraniravagrahakarNapuTe |
vrajavarasundariimukhasaroruhasanmadhupe
mahasi kadaa nu majjati madiiyamidaM hR^idayam.h || 3\.8||

tR^ishhNaature cetasi jR^imbhamaaNaaM
mushhNaanmuhurmohamahaandhakaaram.h |
pushhNaatu naH puNyadayaikasindhoH 
kR^ishhNasya kaaruNyakaTaakshakeliH || 3\.9||

nikhilaagamamaulilaalitaM
padakamalaM paramasya tejasaH |
vrajabhuvi bahumanmahetaraaM
sarasakariishhavisheshharuushhitaam.h || 3\.10||

udaaramR^idulasmitavyatikaraabhiraamaananaM
mudaa muhurudiirNayaa munimanombujaamreDitam.h |
madaalasavilocanavrajavadhuumukhaasvaaditaM
kadaa nu kamalekshaNaM kamapi baalamaalokaye || 3\.11||

vrajajanamadayoshhillocanochchhishhTasheshhii\-
kR^itamaticapalaabhyaaM locanaabhyaamubhaabhyaam.h |
sakR^idapi paripaatuM te vayaM paarayaamaH
kuvalayadalaniilaM kaantipuuraM kadaa nu || 3\.12||

ghoshhayoshhidanugiitayauvanaM
komalastanitaveNunissvanam.h |
saarabhuutamabhiraamasaMpadaaM
dhaama taamarasalocanaM bhaje || 3\.13||

liilayaa lalitayaavalambitaM
muulagehamiva muurtisaMpadaam.h |
niilaniiradavikaasavibhramaM
baalameva vayamaadriyaamahe || 3\.14||

vande muraareshcaraNaaravinda\-
dvandvaM dayaadarshitashaishavasya |
vandaarubR^indaarakabR^indamauli\-
mandaaramaalaavinimardabhiiru || 3\.15||

yasmin.h nR^ityati yasya shekharabharaiH krauJNcadvishhashcandrakiiM
yasmin.h dR^ipyati yasya ghoshhasurabhiM jighran.h vR^ishho dhR^irjaTeH |
yasmin.h sajjati yasya vibhramagatiM vaaJNchhan.h haressindhura\-
stad.hbR^indaavanakalpakadrumavanaM taM vaa kishoraM bhaje || 3\.16||

aruNaadharaamR^itavisheshhitasmitaM
varuNaalayaanugatavarNavaibhavam.h |
taruNaaravindadaladiirghalocanaM
karuNaamayaM kamapi baalamaashraye || 3\.17||

laavaNyaviiciiracitaaN^gabhuushhaaM
bhuushhaapadaaropitapuNyabarhaam.h |
kaaruNyadhaaraalakaTaakshamaalaaM
baalaaM bhaje vallavavaMshalakshmiim.h || 3\.18|

madhuraikarasaM vapurvibho\-
rmathuraaviithicaraM bhajaamahe |
nagariimR^igashaabalocanaa
nayanendiivaravarshhavarshhitam.h || 3\.19||

paryaakulena nayanaantavijR^imbhitena
vaktreNa komaladarasmitavibhrameNa |
mantreNa maJNjulatareNa ca jalpitena
nandasya hanta tanayo hR^idayaM dhunoti || 3\.20||

kandarpakaNDuulakaTaakshabandhii\-
rindiivaraakshiirabhilaashhamaaNaan.h |
mandasmitaadhaaramukhaaravindaan.h
vandaamahe vallavadhuurtapaadaan.h || 3\.21|

liilaaTopakaTaakshanirbharaparishhvaN^gaprasaN^gaadhika\-
priite giitivibhaN^gasaN^gatalasadveNupraNaadaamR^ite |
raadhaalocanalaalitasya lalitassmere muraarermudaa
maadhuryaikarase mukhendukamale magnaM madiiyaM manaH || 3\.22||

sharaNaagatavrajapaJNjare
sharaNe shaarN^gadharasya vaibhave |
kR^ipayaadhR^itagopavigrahe
kiyadanyanmR^igayaamahe vayam.h || 3\.23||

jagattrayaikaantamaniGYabhuumi\-
cetasyajasraM mama sannidattaam.h |
ramaasamaasvaaditasaukumaaryaM
raadhaastanaabhogarasaGYamojaH || 3\.24||

vayamete vishvasimaH karuNaakaramuurtikiMvadantyaaN^ge |
api ca vibho tava lalite capalataraa matiriyaM baalye || 3\.25|

vatsapaalacaraH ko.api vatsaH shriivatsalaaJNchhanaH |
utsavaaya kadaa bhaaviityutsuke mama locane || 3\.26||

madhurimabharite manobhiraame
mR^idulatarasmitamudritaananendau |
tribhuvananayanaikalobhaniiye
mahasi vayaM vrajabhaaji laalasaaH smaH || 3\.27||

mukhaaravinde makarandabindu\-
nishhyantaliilaamuraliininaade |
vrajaaN^ganaapaaN^gataraN^gabhR^iN^ga\-
saMgraamabhuumau tava laalasaaH smaH || 3\.28||

aataamraayatalocanaaMshulahariiliilaasudhaapyaayitaiH
giitaamreDitadivyakelibharitaiH sphiitaM vrajastriijanaiH |
svedaambhaHkaNabhuushhitena kimapi smereNa vaktrendunaa
paadaambhojamR^idupracaarasubhagaM pashyaami dR^ishyaM mahaH || 3\.29||

paaNau veNuH prakR^itisukumaaraakR^itau baalyalakshmiiH
paarshve baalaaH praNayasarasaalokitaapaaN^galiilaaH |
maulau barhaM madhuravadanaambhoruhe maugdhyamudre\-
tyaardraakaaraM kimapi kitavaM jyotiranveshhayaamaH || 3\.30||

aaruuDhaveNutaruNaadharavibhrameNa
maadhuryashaalivadanaambujamudvahantii |
aalokyataaM kimanayaa vanadevataa vaH 
kaishorake vayasi kaapi ca kaantiyashhTiH || 3\.31||

ananyasaadhaaraNakaantikaanta\-
maakraantagopiinayanaaravindam.h |
puMsaH puraaNasya navaM vilaasaM
puNyena puurNena vilokayishhye || 3\.32||

saashhTaaN^gapaatamabhivandya samastabhaavaiH
sarvaan.h surendranikaraanidameva yaace |
mandasmitaardramadhuraananacandrabimbe
nandasya puNyanicaye mama bhaktirastu || 3\.33||

eshhu pravaaheshhu sa eva manye
kshaNo.api gaNyaH purushhaayushheshhu |
aasvaadyate yatra kayaapi bhaktyaa
niilasya baalasya nijaM caritram.h || 3\.34||

nisargasarasaadaraM nijadayaardradivyekshaNaM
manoGYamukhapaN^kajaM madhurasaardramandasmitam.h |
rasaGYa hR^idayaaspadaM ramitavallaviilocanaM
punaHpunarupaasmahe bhuvanalobhaniiyaM mahaH || 3\.35||

sa ko.api baalassarasiiruhaakshaH 
saa ca vrajastriijanapaadadhuuliH |
muhustadetadyugalaM madiiye
momuhyamaano.api manasyutetu || 3\.36||

mayi prayaaNaabhimukhe ca vallavii\-
stanadvayiidurlalitassa baalakaH |
shanaishshanaiH shraavitaveNunisvano
vilaasaveshheNa puraH pratiiyataam.h || 3\.37||

atibhuumimabhuumimeva vaa
vacasaaM vaasitavallaviistatnam.h |
manasaamamaraM rasaayanaM 
madhuraadvaitamupaasmahe mahaH || 3\.38||

jananaatare.api jagadekamaNDane
kamaniiyadhaamni kamalaayatekshaNe |
vrajasundariijanavilocanaamR^ite
capalaani santu sakalendriyaaNi me || 3\.39||

munishreNiivandyaM madabharalasadvallavavadhuu\-
stanashroNiibimbastimitanayanaambhojasubhagam.h |
punaH shlaaghaabhuumiM pulakitagiraaM naigamagiraaM
ghanashyaamaM vande kimapi kamaniiyaakR^itimahaH || 3\.40||

anucumbitaamavicalena cetasaa
manujaakR^itermadhurimashriyaM vibhoH |
ayi deva kR^ishhNa dayiteti jalpataa\-
mapi no bhaveyurapi naama taadR^ishaH || 3\.41||

kishoraveshheNa kR^ishodariidR^ishaaM
visheshhadR^ishyena vishaalalocanam.h |
yashodayaa labdhayashonavaambudhe\-
rnishaamaye niilanishaakaraM kadaa || 3\.42||

prakR^itiravatu no vilaasalakshmyaaH
prakR^itijaDaM praNataaparaadhaviithyaam.h |
sukR^itikR^itapadaM kishorabhaave
sukR^itimanaH praNidhaanapaatramojaH || 3\.43||

apahasita sudhaamadaavalepai\-
ratisumanoharamaardramandahaasaiH |
vrajayuvativilocanaavalehyaM
ramayatu dhaama ramaavarodhaM naH || 3\.44||

aN^kuuritasmeradashaavisheshhai\-
rashraantaharshhaamR^itavarshhamakshNaam.h |
saMkriiDataaM cetasi gopakanyaa\-
ghanastanasvastyayanaM maho naH || 3\.45||

mR^igamadapaN^kasaN^karavisheshhitavanyamahaa\-
giritaTagaNDagairikaghanadravavidrumitaam.h |
ajitabhujaantaraM bhajata he vrajagopavadhuu\-
stanakalashasthaliighusR^iNamardanakardamidam.h || 3\.46||

aamuulapallavitaliilamapaaN^gajaalai\-
raasiJNcatii bhuvanamaadR^itagopaveshhaa |
baalaakR^itirmR^idulamugdhamukhendubimbaa\-
maadhuryasiddhiravataanmadhuvidvishho naH || 3\.47||

viraNan.h maNinuupuraM vraje
caraNaambhojamupaassva shaarN^giNaH |
sarase sarasi shriyaashritaM
kamalaM vaa kalahaMsanaaditam.h || 3\.48||

sharaNamasharaNaanaaM shaaradaambhojanetraM
niravadhimadhurimnaa niilaveshheNa ramyam.h |
smarasharaparatantrasmeranetraambujaabhi\-
rvrajayuvatibhiravyaad.h brahma saMveshhTitaM naH || 3\.49||

suvyaktakaantibharasaurabhadivyagaatra\-
mavyaktayauvanapariitakishorabhaavam.h |
gavyaanupaalanavidhaavanushishhTamavyaa\-
davyaajaramyamakhileshvaravaibhavaM naH || 3\.50||

anugatamamariiNaamambaraalambiniinaaM
nayanamadhurimashriinarmanirmaaNasiimnaam.h |
vrajayuvativilaasavyaapR^itaapaaN^gamavyaat.h
tribhuvanasukumaaraM devakaishorakaM naH || 3\.51||

aapaadamaacuuDamatiprasaktai\-
raapiiyamaanaa yaminaaM manobhiH |
gopiijanaGYaatarasaa.avataanno
gopalabhuupaalakumaaramuurtiH || 3\.52||

dishhTyaa bR^indaavanamR^igadR^ishaaM viprayogaakulaanaaM
pratyaasannaM praNayacapalaapaaN^gaviiciitaraN^gaiH |
lakshmiiliilaakuvalayadalashyaamalaM dhaama kaamaan.h
pushhNiiyaannaH pulakamukulaabhogabhuushhaavisheshham.h || 3\.53||

jayati guhashikhiindrapiJNchhamauliH
suragirigaurikakalpitaaN^garaagaH |
surayuvativikiirNasuunavarshha\-
snapitavibhuushhitakuntalaH kumaaraH || 3\.54||

madhuramandashucismitamaJNjulaM
vadanapaN^kajamaN^gajavellitam.h |
vijayataaM vrajabaalavadhuujana\-
stanataTiiviluThannayanaM vibhoH || 3\.55||

alasavilasasanmugdhasnigdhasmitaM vrajasundarii\-
madanakadanasvinnaM dhanyaM mahadvadanaambujam.h |
taruNamaruNajyotsnaa kaartsnyaa smitasnapitaadharaM
jayati vijayashreNiimeNiidR^ishaaM madayanmahaH || 3\.56||

raadhaakelikaTaakshaviikshitamahaavakshaHsthaliimaNDanaa
jiiyaasuH pulakaaN^kuraastribhuvanasvaadiiyasastejasaH |
kriiDaantapratisuptadugdhatanayaamugdhaavabodhakshaNa\-
traasaaruuDhadR^iDhopaguuhanamahaasaamraajyasaandrashriyaH || 3\.57||

smitasnutasudhaadharaamadashikhaNDibarhaaN^kitaa
vishaalanayanaambujaa vrajavilaasiniivaasitaaH |
manoGYamukhapaN^kajaa madhuraveNUnaadadravaa
jayanti mama cetasashciramupaasitaa vaasanaaH || 3\.58||

jiiyaadasau shikhishikhaNDakR^itaavataMsaa
saMsiddhikii sarasakaantisudhaasamR^iddhiH |
yad.hbinduleshakaNIkaaparimaaNabhaagya\-
saubhaagyasiimapadamaJNcati paJNcabaaNaH || 3\.59||

aayaamena dR^ishorvishaalatarayorakshayyamaardrasmita\-
cchhaayaadharshhitashaaradendulalitaM caapalyamaatraM shishoH |
aayaasaanaparaanvidhuuya rasikairaasvaadyamaanaM muhu\-
rjiiyaadunmadavallaviikucabharaadhaaraM kishoraM mahaH || 3\.60||

skandhaavaarasado prajaaH katipaye gopaassahaayaadayaH 
skandhaalambini vatsadaamni dhanadaa gopaaN^ganaaH svaaN^ganaaH |
shR^iN^gaaraa girigaurikaM shiva shiva shriimanti barhaaNi ca
shR^iN^gapraahikayaa tathaapi tadidaM praahustrilokeshvaram.h || 3\.61||

shriimadbarhishikhaNDamaNDanajushhe shyaamaabhiraamatvishhe
laavaNyaikarasaavasiktavapushhe lakshmiisaraHpraavR^ishhe |
liilaakR^ishhTarasaGYadharmamanase liilaamR^itasrotase
ke vaa na spR^ihayanti hanta mahase gopiijanapreyase || 3\.62||

aapaaTalaadharamadhiiravilolanetra\-
maamodanirbharitamadbhutakaantipuuram.h |
aavismitaamR^itamanusmR^itilobhaniiya\-
maamudritaananaM maho madhuraM muraareH || 3\.63||

jaagR^ihi jaagR^ihi cetashciraaya caritaarthaaya bhavataH |
anubhuuyataamidamidaM puraH sthitaM puurNanirvaaNam.h || 3\.64||

caraNayoraruNaM karuNaardrayoH
kacabhare bahulaM vipulaM dR^ishoH |
vapushhi maJNjulamaJNjanamecake
vayasi baalamaho madhuraM mahaH || 3\.65||

maalaabarhamanoGYakuntalabharaM vanyaprasuunokshitaaM
shaileyadravakL^iptacitratilakaM shaashvanmanohaariNiim.h |
liilaaveNuravaamR^itaikarasikaaM laavaNyalakshmiimayiiM
baalaaM baalatamaalaniilavapushhaM vande paraaM devataam.h || 3\.66||

guru mR^idupade guuDhaM gulphe ghanaM jaghanastale
nalinamudare diirghaM baahvorvishaalamurasthale |
madhuramadhare mugdhaM vaktre vilaasi vilocane
bahu kacabhare vanyaM veshhe manoGYamaho mahaH || 3\.67||

jihaanaM jihaanaM sujaanena maugdhyaM
duhaanaM duhaanaM sudhaaM veNunaadaiH |
lihaanaM lihaanaM sudhiirghairapaaN^gai\-
rmahaanandasarvasvametannamastaam.h || 3\.68||

lasadbarhaapiiDaM lalitalalitasmeravadanaM
bhramatkriiDaapaaN^gaM praNatajanataanirvR^itipadam.h |
navaambhodashyaamaM nijamadhurimaabhogabharitaM
paraM devaM vande parimalitakaishorakarasam.h || 3\.69||

saarasyasaamagryamivaananena
maadhuryacaaturyamiva smitena |
kaaruNyataaruNyamivekshitena
caapalyasaaphalyamidaM dR^ishorme || 32\.70||

yatra vaa tatra vaa deva yadi vishvasimastvayi |
nirvaaNamapi durvaaramarvaaciinaani kiM punaH || 3\.71||

raagaandhagopiijanavanditaabhyaaM
yogiindrabhR^iN^gendranishhevitaabhyaam.h |
aataamrapaN^keruhavibhramaabhyaaM
svaamin.h padaabhyaamayamaJNjaliste || 3\.72||

arthaanulaapaanvrajasundariiNaa\-
makR^itrimaaNaaJNca sarasvatiinaam.h |
aardraashayena shravaNaaJNcalena
saMbhaavayantaM taruNaM gR^iNiimaH || 3\.73||

manasi mama sannidhattaaM madhuramukhaa mantharaapaaN^gaa |
karakalitalalitavaMshaa kaapi kishoraa kR^ipaalaharii || 3\.74||

rakshantu naH shikshitapaashupaalyaa
baalyaavR^itaa barhishikhaavataMsaaH |
praaNapriyaaH prastutaveNugiitaaH
shiitaadR^ishoH shiitalagopakanyaaH || 3\.75||

smitastabakitaadharaM shishiraveNunaadaamR^itaM
muhustaralalocanaM madakaTaakshamaalaakulam.h |
urasthalaviliinayaa kamalayaa samaaliN^gitaM
bhuvasthalamupaagataM bhuvanadaivataM paatu naH || 3\.76||

nayanaambuje bhajata kaamadughaM
hR^idayaambuje kimapi kaaruNikam.h |
caraNaambuje munikulaikadhanaM
vadanaambuje vrajavadhuuvibhavam.h || 3\.77||

nirvaasanaM hanta rasaantaraaNaaM
nirvaaNasaamraajyamivaavatiirNam.h |
avyaajamaadhuryamahaanidhaana\-
mavyaad.hvrajaanaamadhidaivataM naH || 3\.78||

gopiinaamabhimatagiitaveshhaharshhaa\-
daapiinastanabharanirbharopaguuDham.h |
keliinaamavatu rasairupaasyamaanaM
kaalindiipulinacaraM paraM maho naH || 3\.79||

khelataaM manasi khecaraaN^ghanaa\-
maananiiyamR^iduveNinisvanaiH |
kaanane kimapi naH kR^ipaaspadaM
kaalameghakalahodvahaM mahaH || 3\.80||

eNiishaabavilocanaabhiralasashroNiibharaprauDhibhi\-
rveNiibhuutarasakramaabhirabhitashshreNiikR^itaabhirvR^itaH |
paaNii dvau ca vinodayan.h ratipatestuuNiishayaissaayakai\-
rvaaNiinaamapadaM paraM vrajajanakshoNiipatiH paatu naH || 3\.81|

kaalindiipuline tamaalanibiDacchhaaye puraHsaMcarat.h
toye toyajapatrapaatranihitaM dadhyannamashnaati yaH |
vaame paaNitale nidhaaya madhuraM veNuM vishhaaNaM kaTi\-
praante gaashca vilokayan.h pratikalaM taM baalamaalokaye || 3\.82||

yadgopiivadanendumaNDanamabhuut.h kastuurikaapatrakaM
yallakshmiikucashaatakuMbhakalashavyaakoshamindiivaram.h |
yannirvaaNanidhaanasaadhanavidhau siddhaaJNjanaM yoginaaM
tannaH shyaamalamaavirastu hR^idaye kR^ishhNaabhidhaanaM mahaH || 3\.83|

phullendiivarakaantiminduvadanaM barhaavataMsapriyaM
shriivatsaaN^kamudaarakaustubhadharaM piitaambaraM sundaram.h |
gopiinaaM nayanotpalaarcitatanuM gogopasaN^ghaavR^itaM
govindaM kalaveNunaadanirataM divyaaN^gabhuushhaM bhaje || 3\.84||

yannaabhiisarasiiruhaantarapuTe bhR^iN^gaayamaano vidhi\-
ryadvakshaH kamalaavilaasasadanaM yaccakshushhii cendvinau |
yatpaadaabjavinaHsR^itaa suranadii shaMbhoH shirobhuushhaNaM
yannaamasmaraNaM dhunoti duritaM paayaat.h sa naH keshavaH || 3\.85||

rakshatu tvaamasitajalajairaJNjaliH paadamuule
miinaa naabhiisarasi hR^idaye maarabaaNaaH muraareH |
haaraaH kaNThe harimaNimayaa vaktrapadme dvirephaaH 
piJNchhaacuuDaashcikuranicaye ghoshhayoshhitkaTaakshaaH || 3\.86||

dadhimathananinaadaistyaktanidraH prabhaate
nibhR^itapadamagaaraM vallaviinaaM pravR^ishhTaH |
mukhakamalasamiirairaashu nirvaapya diipaan.h
kabalitanavaniitaH paatu gopaalabaalaH || 3\.87||

praataH smaraami dadhighoshhaviniitanidraM
nidraavasaanaramaNiiyamukhaaravindam.h |
hR^idyaanavadyavapushhaM nayanaabhiraama\-
munnidrapadmanayanaM navaniitacoram.h || 3\.88||

phullahallakavataMsakollasad.h
gallamaagamaganviiM gaveshhitam.h |
vallaviicikuravaasitaaN^gulii\-
pallavaM kamapi vallavaM bhaje || 3\.89||

steyaM harerharati yannavaniitacauryaM
jaaratvamasya gurutalpakR^itaaparaadham.h |
hatyaaM dashaananahatirmadhupaanadoshhaM
yatpuutanaastanapayaH sa punaatu kR^ishhNaH || 3\.90||

maara maa vasa madiiyamaanase
maadhavaikanilaye yadR^icchhayaa |
shriiramaapatirihaagamedasau
kaH saheta nijaveshmalaN^ghanam.h || 3\.91||

aakuJNcitaM jaanu karaM ca vaamaM
nyasya kshitau dakshiNahastapadme |
aalokayantaM navaniitakhaNDaM
baalaM mukundaM manasaa smaraami || 3\.92||

jaanubhyaamabhidhaavantaM paaNibhyaamatisundaram.h |
sukuNDalaalakaM baalaM gopaalaM cintayedushhaH || 3\.93||

vihaaya kodaNDasharau muhuurtaM
gR^ihaaNa paaNau maNicaaruveNum.h |
maayuurabarhaM ca nijottamaaN^ge
siitaapate tvaaM praNamaami pashcaat.h || 3\.94||

ayaM kshiiraambhodhiH patiriti gavaaM paalaka iti
shrito.asmaabhiH kshiiropanayanadhiyaa gopatanayaH |
anena pratyuuho vyaraci satataM yena jananii\-
stanaadapyasmaakaM sakR^idapi payo durlabhamabhuut.h || 3\.95||

hastamaakshipya yaato.asi balaatkR^ishhNa kimadbhutam.h |
hR^idayaadyadi niryaasi paurushhaM gaNayaami te || 3\.96||

tamasi ravirivodyanmaJNcataamamburaashau
plava iva tR^ishhitaanaaM svaaduvarshhiiva meghaH |
nidhiriva vidhataanaaM diirghatiivraamayaanaaM
bhishhagiva kushalaM no daatumaayaatu shauriH || 3\.97||

kodaNDaM masR^iNaM sugandhi vishikhaM cakraabjapaashaaN^kushaM
haimiiM veNulataaM karaishca dadhataM sinduurapuJNcaaruNam.h |
kandarpaadhikasundaraM smitamukhaM gopaaN^ganaaveshhTitaM
gopaalaM satataM bhajaami varadaM trailokyarakshaamaNim.h || 3\.98||

saayaN^kaale  vanaante kusumitasamaye saikate candrikaayaaM
trailokyaakarshhaNaaN^kaM suranaragaNikaamohanaapaaN^gamuurtim.h |
sevyaM shR^iN^gaarabhaavairnavarabharitairgopakanyaasahasrai\-
rvande.ahaM rasakeliiratamatisubhagaM vashya gopaalakR^ishhNam.h || 3\.99||

kadambamuule kriiDantaM vR^indaavananiveshitam.h |
padmaasanasthitaM vande veNuM gaayantamacyutam.h || 3\.100||

baalaM niilaambudaabhaM navamaNivilasat.h kiN^kiNiijaalabaddha\-
shroNiijaN^ghaantayugmaM vipulaguruNakhaprollasatkaNThabhuushham.h |
phullaambhojaabhavaktraM hatashakaTamarut.h puutanaadyaM prasannaM
govindaM vanditendraadyamaravaramajaM puujayedvaasaraadau || 3\.101||

vandyaM devairmukundaM vikasitakuruvindaabhamindiivaraakshaM
gogopiivR^indaviitaM jitaripunivahaM kundamandaarahaasam.h |
niilagriivaagrapiJNchhaakalanasuvilasatkuntalaM bhaanumantaM
devaM piitaambaraaDhyaM japa japa dinasho madhyamaahne ramaayai || 3\.102||

cakraantadhvastavairiivrajamajitamapaastaavaniibhaaramaadyai\-
raaviitaM naaradaadyairmunibhirabhinutaM tatvanirNiitahetoH |
saayaahne nirmalaaN^gaM nirupamaruciraM cintayenniilabhaasaM
mantrii vishvodayasthityapaharaNapadaM muktidaM vaasudevam.h|| 3\. 103||

kodanDamaikshavamakhaNDamishhuM ca paushhpaM
cakraabjapaashasR^iNikaaJNcanavaMshanaalam.h |
vibhraaNamashhTavidhabaahubhirarkavarNaM
dhyaayeddhariM madanagopavilaasaveshham.h || 3\.104||

aN^gulyaaH kaH kavaaTaM praharati kuTile maadhavaH kiM vasanto
no cakrii kiM kulaalo na hi dharaNidharaH kiM dvijihvaH phaNiindraH |
naahaM dhaaraahimaardrii kimasi khagapatirno hariH kiM kapiindra
ityevaM gopakanyaa prativacanajitaH paatu vashcakrapaaNiH || 3\.105||

raadhaamohanamandiraadupagatashcandraavaliimuucivaan.h
raadhe kshemamaye.asti tasya vacanaM shrutvaa.a.aha candraavalii |
kaMsa kshemamaye vimugdhahR^idaye kaMsaH kva dR^ishhTastvayaa
raadhaa kveti vilajjito natamukhaH smero hariH paatu vaH || 3\.106||

yaa priitirviduraarpite muraripo kuntyarpite yaadR^ishii
yaa govardhanamuurdhni yaa ca pR^ithuke stanye yashodaarpite |
bhaaradvaajasamarpite shabarikaadatte.adhare yoshhitaaM
yaa priitirmunipatnibhaktiracite.apyatraapi taaM taaM kuru || 3\.107||

kR^ishhNaanusmaraNaadeva paadasaN^ghaatapaJNcaraH |
shatadho bhedamaayaati girirvajrahato yathaa || 3\.108||

yasyaatmabhuutasya guroH prasaadaa\-
dahaM vimukto.asmi shariirabandhaat.h |
sarvopadeshhTuH purushhottamasya
tasyaaMghripadmaM praNatosmi nityam.h || 3\.109||