nArada uvAcha || bhagava~nChrotumichChAmi ki.n mantra.n bhagavAnharaH | kR^ipayA\-.adAt parashurAmAya stotra.n cha varma cha || 1|| kovA.asya mantrasyArAdhyaH ki.n phala.n kavachasya cha | stavanasya phala.n ki.n vA tadbhavAnvaktumarhasi || 2|| nArAyaNa uvAcha || mantrArAdhyo hi bhagavAn paripUrNatamaH svayam | golokanAthaH shrIkR^iShNo gopa\-gopIshvaraH prabhuH || 3|| trailokyavijaya.n nAma kavacha.n paramAdbhutam | stavarAja.n mahApuNya.n bhUtiyoga\-samudbhavam || 4|| mantra.n kalpataru.n nAma sarvakAma\-phalapradam | dadau parashurAmAya ratnaparvata\-sannidhau || 5|| svaya.nprabhA\-nadItIre pArijAta\-vanAntare | Ashrame lokadevasya mAdhavasya cha sannidhau || 6|| mahAdeva uvAcha || vatsAgachCha mahAbhAga bhR^iguva.nsha\-samudbhava | putrAdhiko.asi premNA me kavachagrahaNa.n kuru || 7|| shR^iNu rAma pravaxyAmi brahmANDe paramAdbhutam | trailokyavijaya.n nAma shrIkR^iShNasya jayAvaham || 8|| shrIkR^iShNena purA datta.n goloke rAdhikAshrame | rAsamaNDala\-madhye cha mahya.n vR^indAvane vane || 9|| atiguhyatara.n tattva.n sarva\-mantraughavigraham | puNyAtpuNyatara.n chaiva para.n snehAdvadAmi te || 10|| yaddhR^itvA paThanAddevI mUlaprakR^itirIshvarI | shu.nbha.n nishu.nbha.n mahiSha.n raktabIja.n jaghAna ha || 11|| yaddhR^itvA.aha.n cha jagatA.n sa.nhartA sarvatatvavit | avadhya.n tripura.n pUrva.n durantamapi lIlayA || 12|| yaddhR^itvA paThanAdbrahmA sasR^ije sR^iShTimuttamAm | yaddhR^itvA bhagavA~nCheSho vidhatte vishvameva cha || 13|| yaddhR^itvA kUrmarAjashcha sheSha.n dhatte hi lIlayA | yaddhR^itvA bhagavAnvAyuH vishvAdhAro vibhuH svayam || 14|| yaddhR^itvA varuNaH siddhaH kuberashcha dhaneshvaraH | yaddhR^itvA paThanAdindro devAnAmadhipaH svayam || 15|| yaddhR^itvA bhAti bhuvane tejorAshiH svaya.n raviH | yaddhR^itvA paThanAchchandro mahAbala\-parAkramaH || 16|| agastyaH sAgarAnsapta yaddhR^itvA paThanAtpapau | chakAra tejasA jIrNa.n daitya.n vAtApisa.nj~nakam || 17|| yaddhR^itvA paThanAddevI sarvAdhArA vasundharA | yaddhR^itvA paThanAtpUtA ga~NgA bhuvanapAvanI || 18|| yaddhR^itvA jagatA.n sAxI dharmo dharmabhR^itA.n varaH | sarva\-vidyAdhidevI sA yachcha dhR^itvA sarasvatI || 19|| yaddhR^itvA jagatA.n laxmI\-rannadAtrI parAtparA | yaddhR^itvA paThanAdvedAn sAvitrI sA suShAva cha || 20|| vedAshcha dharmavaktAro yaddhR^itvA paThanAd bhR^igo | yaddhR^itvA paThanAchChuddha\-stejasvI havyavAhanaH | sanatkumAro bhagavAnyaddhR^itvA j~nAninA.n varaH || 21|| dAtavya.n kR^iShNa\-bhaktAya sAdhave cha mahAtmane | shaThAya parashiShyAya datvA mR^ityumavApnuyAt || 22|| trailokyavijayasyAsya kavachasya prajApatiH | R^IShishChandashcha gAyatrI devo rAseshvaraH svayam || 23|| trailokyavijaya\-prAptau viniyogaH prakIrtitaH | parAtpara.n cha kavacha.n triShu lokeShu durlabham || 24|| praNavo me shiraH pAtu shrIkR^iShNAya namaH sadA | pAyAtkapAla.n kR^iShNAya svAhA pa~nchAxaraH smR^itaH || 25|| kR^iShNeti pAtu netre cha kR^iShNa svAheti tArakam | haraye nama ityeva.n bhrUlatA.n pAtu me sadA || 26|| OM govindAya svAheti nAsikA.n pAtu santatam | gopAlAya namo gaNDau pAtu me sarvataH sadA || 27|| OM namo gopA~NganeshAya karNau pAtu sadA mama | OM kR^iShNAya namaH shashvatpAtu me.adhara\-yugmakam || 28|| OM govindAya svAheti dantaugha.n me sadA.avatu | pAtu kR^iShNAya dantAdho dantordhva.n klI.n sadA.avatu || 29|| OM shrIkR^iShNAya svAheti jihvikA.n pAtu me sadA | rAseshvarAya svAheti tAluka.n pAtu me sadA || 30|| rAdhikeshAya svAheti kaNTha.n pAtu sadA mama | namo gopA~NganeshAya vaxaH pAtu sadA mama || 31|| OM gopeshAya svAheti skandha.n pAtu sadA mama | namaH kishora\-veShAya svAhA pR^iShTa.n sadA.avatu || 32|| udara.n pAtu me nitya.n mukundAya namaH sadA | OM hrI.n klI.n kR^iShNAya svAheti karau pAtu sadA mama || 33|| OM viShNave namo bAhuyugma.n pAtu sadA mama | OM hrI.n bhagavate svAhA nakha.n pAtu me sadA || 34|| OM namo nArAyaNAyeti nakharandhra.n sadA.avatu | OM hrI.n hrI.n padmanAbhAya nAbhi.n pAtu sadA mama || 35|| OM sarveshAya svAheti ka~NkAla.n pAtu me sadA | OM gopIramaNAya svAha nitamba.n pAtu me sadA || 36|| OM gopIramaNanAthAya pAdau pAtu sadA mama | OM hrI.n klI.n rasikeshAya svAhA sarva.n sadA.avatu|37 || OM keshavAya svAheti mama keshAnsadA.avatu | namaH kR^iShNAya svAheti brahmarandhra.n sadA.avatu || 38|| OM mAdhavAya svAheti me lomAni sadA.avatu | OM hrI.n shrI.n rasikeshAya svAhA sarva.n sadA.avatu || 39|| paripUrNatamaH kR^iShNaH prAchyA.n mA.n sarvadA.avatu | svaya.n golokanAtho mAmAgneyA.n dishi raxatu || 40|| pUrNabrahmasvarUpashcha daxiNe mA.n sadA.avatu | nairR^ItyA.n pAtu mA.n kR^iShNaH pashchime pAtu mA.n hariH || 41|| govindaH pAtu mA.n shashvadvAyavyA.n dishi nityashaH | uttare mA.n sadA pAtu rasikAnA.n shiromaNiH || 42|| aishAnyA.n mA.n sadA pAtu vR^indAvana\-vihArakR^it | vR^indAvanI\-prANanAthaH pAtu mAmUrdhvadeshataH || 43|| sadaiva mAdhavaH pAtu balihArI mahAbalaH | jale sthale chAntarixe nR^isi.nhaH pAtu mA.n sadA || 44|| svapne jAgaraNe shashvatpAtu mA.n mAdhavaH sadA | sarvAntarAtmA nirliptaH pAtu mA.n sarvato vibhuH || 45|| iti te kathita.n vatsa sarvamantraugha\-vigraham | trailokyavijaya.n nAma kavacha.n paramAdbhutam || 46|| mayA shruta.n kR^iShNa\-vaktrAt pravaktavya.n na kasyachit | gurumabhyarchya vidhivat kavacha.n dhArayet yaH || 47|| kaNThe vA daxiNe bAhau so.api viShNurna sa.nshayaH | sa cha bhakto vasedyatra laxmIrvANI vasettataH || 48|| yadi syAtsiddhakavacho jIvanmukto bhavettu saH | nishchita.n koTivarShANA.n pUjAyAH phalamApnuyAt || 49|| rAjasUya\-sahasrANi vAjapeya\-shatAni cha | ashvamedhAyutAnyeva naramedhAyutAni cha || 50|| mahAdAnAni yAnyeva prAdaxiNya.n bhuvastathA | trailokyavijayasyAsya kalA.n nArhanti ShoDashIm || 51|| vratopavAsa\-niyama.n svAdhyAyAdhyayana.n tapaH | snAna.n cha sarvatIrtheShu nAsyArhanti kalAmapi || 52|| siddhatvamamaratva.n cha dAsatva.n shrIharerapi | yadi syAtsiddhakavachaH sarva.n prApnoti nishchitam || 53|| sa bhavetsiddhakavacho dashalaxa.n japettu yaH | yo bhavetsiddhakavachaH sarvaj~naH sa bhaveddhruvam || 54|| ida.n kavacha\-maj~nAtvA bhajetkR^iShNa.n sumandadhIH | koTikalpa.n prajapto.api na mantraH siddhi\-dAyakaH || 55|| gR^ihItvA kavacha.n vatsa mahI.n niHxatriya.n kuru | trissaptakR^itvo nishsha.nkaH sadAnando hi lIlayA || 56|| rAjya.n deya.n shiro deya.n praNA deyAshcha putraka | eva.nbhUta.n cha kavacha.n na deya.n prANasa.nkaTe || 57|| || iti shrIbrahmavaivarte mahApurANe tR^itIye gaNapatikhaNDe\\ nArada\-nArAyaNasa.nvAde parashurAmAya shrIkR^iShNakavacha\-\
pradAna.n nAma ekatri.nshattamo.adhyayaH || ##